चीनच्या आकाशात दिसले चक्क सात सूर्य? विचित्र घटनेचा Video Viral, नक्की काय आहे रहस्य?

Mysterious optical illusion : चीनच्या आकाशात ‘सात सूर्य’ दिसले, रहस्यमयी घटनेचा Video Viral

Mysterious optical illusion causes Seven Suns to appear in Chinas sky

चीनच्या आकाशात सात सूर्य दिसू लागले (सौजन्य- एक्स, @sunsong0909)

कल्पना करा की, तुम्ही आकाशाकडे पाहत आहात आणि तुम्हाला एक नाही तर सात सूर्य एकाच वेळी दिसत आहेत. जी कल्पनाही रोमांचक वाटते अशी घटना प्रत्यक्षात घडली आहे. एका विचित्र खगोलीय घटनेत, आकाशात एकाच वेळी सात सूर्य चमकत असल्याचे पाहून चीनमधील खगोल अभ्यासक आश्चर्यचकित झाले. एका व्हायरल व्हिडिओमध्ये हे विचित्र दृश्य कॅप्चर करण्यात आले आहे. द न्यूयॉर्क पोस्टच्या वृत्तानुसार, चेंगडू येथील रुग्णालयात सुश्री वांग नावाच्या महिलेने या महिन्याच्या सुरुवातीला शुट केलेल्या व्हिडिओमध्ये हे आश्चर्यकारक दृश्य टिपले गेले.

चीनच्या आकाशात दिसते सात सूर्य?

मंत्रमुग्ध करणाऱ्या व्हिडीओमध्ये, आकाशात सात सूर्यांनी चमकताना दिसत होते, प्रत्येक सूर्य वेगवेगळ्या तीव्रतेने चमकत होता. जेम प्रेसने नोंदवल्याप्रमाणे, सुश्री वांग यांनी वर्णन केले की,”ही घटना सुमारे एक मिनिटांपर्यंत दिसत होती आणि ती अनेक ठिकाणाहून पाहता येत होती. या घटनेच्या सौंदर्याने नेटकऱ्यांना मंत्रमुग्ध केले होते”. पण आकाशात ७ सूर्य कसे काय दिसत आहे असा प्रश्न अनेकांना पडला आहे.

Recently, seven suns appeared in the sky in Sichuan, China, and the afterglow of the sunset reflected a picturesque sunset.#China ?? #sichuan @China_Amb_India @Jingjing_Li pic.twitter.com/edFb9B37My
— 孙松.SunSong (@sunsong0909) August 20, 2024

हेही वाचा – ‘जगातील अंतिम सत्य हेच आहे!’ तुमचं भलं व्हावं हे फक्त…; ट्रकमागील पाटी होतेय Viral

७ सूर्य दिसण्यामागील रहस्य उघड

ही घटना खरी खगोलीय घटना नव्हती तर रुग्णालयाच्या खिडकीच्या काचेतून प्रकाशाच्या अपवर्तनामुळे( light refracting) झालेला एक ऑप्टिकल इल्यूजन (optical illusion) होता. व्हिडीओमध्ये दिसणारे सात सूर्य हे काचेच्या प्रत्येक पटलाने तयार केलेल्या आभासी प्रतिमा होत्या.

नेटकऱ्यांनी दिल्या मजेशीर प्रतिक्रिया

सोशल मीडिया वापरकर्त्यांनी, विशेषत: चीनी प्लॅटफॉर्म Weibo वर विनोदीपणे ऑप्टिकल युक्तीच्या कारणाचा अंदाज लावला. “आपण शेवटी ग्लोबल वॉर्मिंगबद्दलचे सत्य उघड केले आहे,” एका वापरकर्त्याने खिल्ली उडवली, तर दुसऱ्याने विनोद केला, “हे चुंबकीय क्षेत्राच्या त्रुटीमुळे घडले ज्यामुळे समांतर विश्वे दृश्यमानपणे प्रकट झाली. कॉस्मिक ब्युरोने या समस्येचे निराकरण केले आहे आणि जबाबदार असलेल्यांना फटकारले गेले आहे. ”

हेही वाचा –“आई ही आई असते!” मुलगा जिंकल्यानंतर धावत स्टेजवर गेली अन् मारली मिठी, Viral Videoमध्ये बघा आईला झालेला आनंद

व्हायरल घटनेने Reddit वर देखील वेगळाच अंदाज बांधत स्वारस्य निर्माण केले. काही वापकर्त्यांनी या घटनेची एका चिनी मिथकाशी तुलना केली,”ज्यामध्ये पौराणिक धनुर्धारी Hou Yi ग्रहाला जळण्यापासून रोखण्यासाठी पृथ्वीच्या दहा सूर्यांपैकी नऊ नष्ट करतो”

चीनच्या प्रदूषणाच्या समस्यांमुळे हे ““system apocalypse” चे लक्षण आहे की नाही याबद्दल काहींना आश्चर्य वाटले.

Web Title: Mysterious optical illusion causes seven suns to appear in chinas sky snk