Viral Video: नागिन डान्स करणं दोन तरुणांना पडलं महागात; नाग बनून काय केलं तुम्हीच पाहा

सोशल मीडिया म्हटलं की व्हायरल व्हिडिओची मेजवाणी. रोज कोणता तरी व्हिडिओ व्हायरल होत असतो. काही व्हिडिओ युजर्सना खळखळून हसायला भाग पाडतात. त्यात विचित्र डान्स म्हटलं की नेटिझन्स असे व्हिडिओ डोक्यावर घेतात. मित्रांसोबत एकत्र असल्यास आवडीने एकमेकांना व्हिडिओ दाखवत शेअर करतात. अनेकदा तर त्या व्हिडिओचं विश्लेषण करून जवळचा मित्र किंवा नातेवाईक असाच करतो, असं विशेषण देण्यासही विसरत नाही. असाच एक व्हिडिओ सोशल मीडियावर वेगाने व्हायरल होत आहे. लग्नाच्या मोसमात नागिन म्युझिक वाजवणं आणि त्यावर नाचणं सामान्य गोष्ट आहे. नागिन डान्सवर लोकांना नाचायला आवडतं, हे सर्वांना माहिती आहे. नागिन डान्समुळे भांडणं होऊ शकतात, यावर कदाचित तुमचा विश्वास बसणार नाही, मात्र हे खरं आहे.