मोदी माझ्यासाठी काम करतात म्हणणा-या तरुणाला मोदींनी दिले उत्तर

अजित सिंह नावाच्या व्यक्तीने एक ट्विट केले होते. ‘तू मोदींसाठी काम करतोस का? असे मला एकाने विचारले, त्यावर मी मोदींसाठी नाही तर मोदी माझ्यासाठी काम करतात असे उत्तर मी त्याला दिले.’ असे ट्विट अजितने केले होते. यात मोदींना टॅग करायला तो विसरला नाही आणि अगदी अनपेक्षितरित्या मोदींनीही अजितचे हे ट्विट वाचले आणि लगेच त्याला रिप्लायही केला. ‘तू बोलतोस ते बरोबर आहे, प्रत्येक भारतीयाचा प्रधान सेवक बनून मला आनंद झाला आहे.’ असे उत्तर त्यांनी दिले. आता हे वाचल्यानंतर अजितला धक्का बसला असणार हे नक्की. दोन दिवसांपूर्वी नूपूर या ट्विटर अकाऊंटवरूनही असेच काहीसे ट्विट करण्यात आले होते. मोदी आणि अमित शहा कधीच आपल्या ट्विटला उत्तर देत नाही, या दोघांचांही घरोबा असून आपल्याविरुद्ध ते कट करत आहे असे विनोदी ट्विट तिने केले होते. यावर अमित शहांनी लगेच उत्तर देत, तूला दुर्लक्षित केल्याबद्दल लगेच उपषोणाला बसू नकोस असे गंमतीशीर उत्तर तिला दिले होते.