सोशल मीडियावर कधी, कोणाला आणि कशी प्रसिद्धी मिळेल हे सांगता येत नाही. कोणालाही रातोरात प्रसिद्धी मिळत नसली असे कितीही म्हटले तरी काही वेळा सोशल मीडियावर रातोरात प्रसिद्ध झालेले उदाहरणेही अनेक आहेत. पाकिस्तानच्या चहावाल्यानंतर आता सोशल मीडियावर आणखी एक व्यक्ती खूपच चर्चेत आली आहे. ती म्हणजे नेपाळमध्ये राहणारी एक भाजीवाली. #tarkariwali हा हॅशटॅग वापरून हा फोटो सोशल मीडियावर व्हायरल होत आहे. रुपचंद्र महारन नावाच्या फोटोग्राफरने हा फोटो काढला आहे. सोशल मीडियावर हा फोटो अपलोड केल्यानंतर काही तासांतच तो फोटो व्हायरल झाला आहे. या नेपाळी भाजीवालीच्या अप्रतिम सौंदर्याने सगळ्यांनाच वेड लावले आहे. हिरवा कुडता घालून टॉमेटो विकणा-या या मुलीच्या दोन फोटोंची सोशल मीडियावर चर्चा होत आहे. ही मुलगी कोण आहे याबद्दल फारशी माहिती समजली नाही पण तिच्या चर्चा मात्र खूपच रंगत आहेत.
काही दिवसांपूर्वी पाकिस्तानच्या अर्शद खान नावाच्या चहावाल्याचा फोटो व्हायरल झाला होता. अर्शदने जवळपास सगळ्याच तरुणींना वेड लावले होते. १८ वर्षांच्या पेशावरमधल्या या चहावाल्याचा फोटो एका तरुणीने इन्स्टाग्रामवर टाकला होता त्यानंतर अल्पावधीच त्याच्या निळ्या डोळ्यांनी सा-या तरुणींना घायाळ केले. त्याच्या इतक्या चर्चा झाल्या की एका कंपनीने त्याला मॉडेलिंगची ऑफरही दिली. त्याचा मेकओवर केलेला एक फोटोही व्हायरल होत आहे.
