पाळीव प्राण्यांवर प्रेम करणं अनेकांना आवडतं. पण काही वन्य प्राणीही जीवाल जीव लावून आपल्या राखणदारासोबतची मैत्री घट्ट करतात. जंगलातील काही हिंसक प्राण्यांची माणसांना नेहमी भीती वाटते. परंतु, हत्तीसारखा प्राणी जीवापाड प्रेम करु शकतो, असं एका व्हिडीओच्या माध्यमातून समोर आलं आहे. रानावनात भटकणारे काही हत्ती हिंसकही असतात. पण राखणदार आणि हत्ती या दोघांमध्ये असलेली नाळ कधीच तुटत नाही. कारण एका हत्तीने राखणदाराला पाहिल्यावर त्याच्या गालावर चुंबन घेतलं. हत्तीचं असं प्रेम पाहून राखणदाराचेही डोळे पाणावले. हे संपूर्ण दृष्य कॅमेरात कैद झाले असून व्हिडीओ सोशल मीडियावर प्रचंड व्हायरल झाला आहे.
हत्तीनं राखदारासाठी दाखवलेलं प्रेम पाहून नेटकरीही भारावले. हत्तीचा हा व्हिडीओ @buitengebieden नावाच्या युजरने ट्विटरवर शेअर केला आहे. हा व्हिडीओ नेटकऱ्यांना प्रचंड आवडला असून आतापर्यंत जवळपास ५ लाखांहून अधिक व्यूज या व्हिडीओला मिळाले आहेत. हत्ती त्याच्या राखणदाराला प्रेमाने जवळ घेऊन चुंबन घेत असल्याचं व्हिडीओत दिसत आहे. त्यानंतर राखणदाराच्याही भावना दाटून आल्याचं व्हिडीओत दिसत आहे. १० डिसेंबर शेअर केलेला या व्हिडीओनं नेटकऱ्यांचीन मनं जिंकली आहे.
इथे पाहा व्हिडीओ
पाच लाखांहून अधिक व्यूज मिळाल्याने या व्हिडीओला पाहण्याची नेटकऱ्यांची उत्सुकता वाढताना दिसत आहे. या व्हिडीओवर नेटकऱ्यांनी कमेंट्सचा वर्षावही केला आहे. एका नेटकऱ्याने कमेंट करत म्हटलं, “हत्ती खूप स्पेशल असतात.”. “हत्ती माझा सर्वात आवडता प्राणी आहे” असं दुसऱ्या एका युजरने म्हटलं. तर अन्य एक युजर म्हणाला, “हा सुंदर व्हिडीओ मी दिवसभर पाहतच राहील.” हत्तीचं राखणदारावर असेलेलं प्रेम पाहून लाखो नेटकऱ्यांनी या व्हिडीओला लाईक केलं आहे. हा व्हिडीओ दिवसेंदिवस प्रचंड व्हायरल होत आहे.
