चर्चा तर होणारच! चेहऱ्यावर पारंपरिक टॅटू गोंदवून न्यूज अँकरिंग; सोशल मीडियावर व्हिडिओ व्हायरल

सध्या न्यूझीलंडमधील एका महिला अँकरची सोशल मीडियावर जोरदार चर्चा आहे. त्याला कारणही तसंच आहे. रोज टीव्ही किंवा सोशल मीडियावर अँकरिंग करताना आपण अनेक जण पाहतो. काही जणं आरडाओरड तर काही जण सौम्य आवाजात बातम्या वाचताना दिसतात. तर काही जण अडखळल्याने किंवा चुकीचा शब्द उच्चारल्याने ट्रोल होतात. मग या महिलेच्या अँकरिंगमध्ये विशेष असं काय आहे? असा प्रश्न तुम्हाला पडल्याशिवाय राहणार नाही. महिला अँकरने चेहऱ्यावर टॅटू गोंदवून अँकरिंग केल्याने एकच चर्चा रंगली आहे. काही वर्षापूर्वी जर अशा पद्धतीने अँकरिंगबाबत सांगितलं असतं, तर कदाचित ती बाब रुचली नसती. मात्र आता अशाप्रकारे अँकरिंग केल्याने चर्चा होत आहे.