Nita ambani jwellary collection: देशातील सर्वात श्रीमंत उद्योगपती मुकेश अंबानी यांच्या पत्नी नीता अंबानी नेहमीच चर्चेत असतात. निता अंबानी या जगात सर्वाधिक श्रीमंताच्या यादीत असणाऱ्या मुकेश अंबानी यांच्या पत्नी आहेत. डिझायनर साड्या, लेहेंगे आणि दागिन्यांचे खास कलेक्शन नीता अंबानी यांच्याकडे आहे. अंबांनी कुटुंबातील महिलांचे दागिने पाहून अनेकदा प्रश्न पडतो की, ज्वेलरी किंमत नक्की किती असावी. अलिकडेच त्यांनी आपला मुलगा अनंत अंबानी याच्या प्रीवेडिंगदरम्यान घातलेल्या नेकलेसनं अख्ख्या जगाचं लक्ष वेधून घेतलं होतं. हा हिरव्या रंगाचा नेकलेसची किंमत जवळपास ४५० कोटी रुपये इतकी होती. पण गंमतीशीर बाब म्हणजे नीता अंबानी यांचा हा नेकलेस बाजारात केवळ १७८ रुपयांना विकला जातोय. होय, विश्वास बसत नाहिये? तर मग हा व्हायरल होणारा व्हिडीओ एकदा पाहाच.
अंबानीच्या उत्कृष्ट नेकलेसमध्ये हिरवे, पांढरे, लाल आणि काळे असे विविध रंगांचे हिरे येतात. पारदर्शक प्लॅस्टिक बॉक्समध्ये येणाऱ्या या सेटमध्ये कानातल्यांचाही समावेश आहे. या व्हिडीओमध्ये तुम्ही पाहू शकता, एक ब्लॉगर नीता अंबानी यांनी घातलेल्या नेकलेसच्या काही डुब्लिकेट कॉपी दाखवत आहेत. या नेकलेसची किंमत केवळ १७८ ते २०० रुपये आहे. अनंत व राधिकाच्या प्री-वेडिंगमध्येही नीता अंबानी यांच्या लूकने सगळ्यांचे लक्ष वेधून घेतले होते. नीता अंबानी यांनी मनीष मल्होत्रा यांनी डिझाईन केलेली चंदेरी रंगाची कांजीवरम साडी नेसली होती व गळ्यात हिरव्या रंगाच्या पन्ना हिऱ्याचा हार घातला होता. नीता अंबानी यांच्या गळ्यातील हारची किंमत जवळपास ४०० ते ५०० कोटी रुपये असल्याचे सांगण्यात येत आहे.
आता तुम्हीच सांगा एवढ्या कोटीचा हार जर एवढ्या कमी किमतीत मिळत असेल तर कोण कशाला सोडेल. नेटकरीही यावर वेगवेगळ्या प्रतिक्रिया देत आहेत.
पाहा व्हिडीओ
हेही वाचा >> “ए उठ ना यार” ६ वर्षे मित्र कोमात; वाचवण्यासाठी मित्रांची धडपड, हृदयद्रावक VIDEO पाहून डोळ्यात येईल पाणी
हा व्हिडीओ तुम्ही v.v.sonsandvvsons_ या इन्स्टाग्राम पेजवरून शेअर केला आहे. अब्जाधीश मुकेश अंबानी आणि नीता अंबानी यांनी मार्चमध्ये गुजरातमधील जामनगर येथे अनंत, त्यांचा धाकटा मुलगा आणि राधिका मर्चंट यांच्यासाठी तीन दिवसीय प्री-वेडिंग सेलिब्रेशनचे आयोजन केले होते. यावेळी नीता अंबानी यांनी हा नेकलेस परिधान केला होता.
