Viral video: हिवाळ्याच्या दिवसांमध्ये हुडहुडी भरली की, सकाळी उशिरापर्यंत अंथरुणातून बाहेर पडावंसं वाटत नाही. अशा स्थितीत उणे तापमानामध्ये बर्फाळ प्रदेशात राहणारे लोक आणि प्राणी कसे जगत असतील याचा विचारही न केलेला बरा. सोशल मीडियावर नुकताच एक व्हिडिओ समोर आला आहे. सोशल मीडियावर एका व्यक्तीने दक्षिण ध्रुवावरून एक व्हिडिओ अपलोड केला, जो व्हायरल होत आहे. दक्षिण ध्रुवात थंड पेय पिणे अशक्य असल्याचा दावा या व्यक्तीने केला आहे. पण का?
जगामध्ये अशी काही ठिकाणं आहेत. जिथे एवढी थंडी असते की तुमच्या डोळ्याच्या पापण्याही गोठून जातात. अतिशय थंड हवेमुळे हाडं गोठणारी थंडी आहे. अशावेळी खाण्या-पिण्याचे पदार्थ तोंडात जाण्यापूर्वीच गोठलेले असतात. इथलं वातावरण इतकं गोठलं आहे की, इथे कोणीही काहीही पिऊ शकत नाही.संघर्षपूर्ण वातावरणात हे सर्व पदार्थ खाण्यायोग्य करण्यातच जास्त मेहनत होते. या व्हिडीओमध्ये तुम्ही पाहू शकता, या व्यक्तीने या कॅनमधून कोल्ड्रिंक ग्लासमध्ये टाकण्याचा प्रयत्न केला. पण दक्षिण ध्रुवावर एवढी थंडी आहे की कॅनमधून ग्लासात जाताच संपूर्ण कोल्ड ड्रिंक गोठले आणि अक्षरशः बर्फ झाला.
उत्तर ध्रुव आणि दक्षिण ध्रुव या दोन भागात सूर्यप्रकाश पोहोचत नाही. अशा परिस्थितीत वर्षभर येथील तापमान मायनसमध्ये राहते.
पाहा व्हिडीओ
हेही वाचा >> कुठल्या देवाची नाही तर रॉयल एन्फिल्ड बुलेटची पूजा, सर्व इच्छा होतात पूर्ण; काय आहे यामागचं नेमकं रहस्य?
उत्तर भारतात सध्या प्रचंड थंडीची लाट पसरली आहे. पारा ४ ते ८ अंशावर घसरला असून बर्फासह धुक्याची चादर पसरली आहे. उत्तरेकडून थंड वारे वाहून नेण्यासाठी अनुकूल असलेले कमी दाबाचे क्षेत्र सध्या मध्य प्रदेश व महाराष्ट्रावर अस्तित्वात येत आहे. त्यामुळे यावर्षीचे शेवटचे दिवस बाेचणाऱ्या गारठ्यात जाण्याची शक्यता हवामान विभागाने वर्तविली आहे
