एक कुत्रा एका फाईव्ह स्टार हॉटेलचा कर्मचारी आहे. हे वाचायला आणि ऐकायला नक्कीच विचित्र वाटेल. फाईव्ह स्टार हॉटेलमध्ये आलेल्या ग्राहकांचे स्वागत करण्यासाठी सुटाबुटात असलेले कर्मचारी तुम्ही पाहिले असतील. एका फाईव्ह स्टार हॉटेलमध्ये काम करणाऱ्या कर्मचाऱ्यांचे पगार हा एक चर्चेचा विषय असतो. पण तुमचा विश्वास बसणार नाही, एका फाईव्ह स्टार हॉटेलमध्ये माणसाप्रमाणेच कुत्रा देखील काम करतो. या कुत्र्याचा पगार तुम्ही ऐकला तर तुमची पायाखालची जमिन सरकेल. सध्या या कुत्र्याचा एक व्हिडीओ सोशल मीडियावर वाऱ्यासारखा पसरू लागला आहे.
सोशल मीडियावर व्हायरल होत असलेल्या या ३० सेकंदाच्या व्हिडीओमध्ये तुम्ही पाहू शकता की, एक क्यूट डॉगी दिसतोय. आता हा कुत्रा सोशल मीडियावर स्टार झाला आहे. एखादा कुत्रा फाईव्ह स्टार हॉटेलमध्ये कसा काम करू शकतो असा प्रश्नच लोकांना पडला आहे. फाईव्ह स्टार हॉटेलमध्ये हा कुत्रा उभा असलेला दिसून येतोय. एक व्यक्ती फाईव्ह स्टार हॉटेलमध्ये येताच पहिल्यांदा या कुत्र्याचे लाड करताना दिसून येतो. त्याच्या शरीरावरून प्रेमात हात फिरवताना दिसून येतोय. त्याच्या गळ्यात एक ओळखपत्र दिसत आहे, ज्यामध्ये त्याला ललित अशोकचा कर्मचारी म्हणून संबोधण्यात आले आहे.
आणखी वाचा : याला म्हणतात खरी मैत्री! भूकंपाने शाळा हादरली, जीव धोक्यात घालून दिव्यांग वर्गमित्राला वाचवले, पाहा VIRAL VIDEO
सोशल मीडियावर रातोरात स्टार बनलेल्या या कुत्र्याचे नाव बर्नी असल्याचे सांगण्यात येत आहे. द ललित अशोक हॉटेलने बर्न याला ‘चीफ हॅपीनेस ऑफिसर’ म्हणून नियुक्त केलं आहे. हॉटेलच्या जनरल मॅनेजरच्या म्हणण्यानुसार, प्रत्येकजण ‘बर्नी द ललित अशोक’ला मिठी मारतो आणि त्याच्यावर प्रेम करतो. ‘बर्नी द ललित अशोक’ हा कुत्रा पाहुणे आणि कर्मचाऱ्यांना हसवण्याचे काम करतो, असे सांगितले जात आहे. यासह हॉटेलमध्ये राहणारे लोक त्याच्यासोबत फिरणे, जेवण करणे आणि हँग आउट देखील करू शकतात.
आणखी वाचा : चक्क पोपटाने महिलेला ‘आई’ म्हणून हाक मारायला सुरुवात केली, दोघांमधील संभाषणाचा हा VIDEO VIRAL
इथे पाहा हा व्हायरल व्हिडीओ :
आणखी वाचा : बिहारमध्ये अचानक रस्त्यावर पडला माशांचा पाऊस, विश्वास बसत नसेल तर हा VIRAL VIDEO एकदा पाहाच
हा व्हिडिओ ‘thelalitbangalore’ नावाच्या इन्स्टाग्राम अकाउंटवरून शेअर करण्यात आला आहे. या क्टूय डॉगीचा हा व्हिडीओ लोकांना इतका आवडू लागलाय की आतापर्यंत या व्हिडीओला १४०० पेक्षा जास्त व्ह्यूज मिळाले आहेत. हा व्हिडीओ पाहिल्यानंतर इंटरनेटवरील यूजर्सनी या क्यूट डॉगीवर प्रेमाचा वर्षावच केलाय. सारेच जण या डॉगीच्या प्रेमात पडले आहेत. तसेच या कुत्र्याला कर्मचारी म्हणून नियुक्त करून होणाऱ्या हॉटेल व्यवस्थापनाचं देखील मोठ्या प्रमाणात कौतुक करण्यात येत आहे.
