प्रसिद्धी कधी कोण काय करेल याचा काही नेम नाही. अनेकदा आपण सोशल मीडियावर कित्येक लोक नाचतानाचे व्हिडिओ पोस्ट करत असतात. ट्रेंडिंग गाण्यावर डान्स करत अनेकजण नेटकऱ्यांचे लक्ष वेधून घेण्याचा प्रयत्न करतात. व्हायरल व्हिडीओमध्ये काही मोजकेच व्हिडिओ असतात जे लोकांचे मन जिंकतात. लोक कित्येकजण भन्नाट डान्स करून लोकांचे लक्ष वेधून घेण्यात यशस्वी देखील ठरतात तर काहींना चांगला डान्स येत नसला तरी तो क्षण मात्र आनंदाने जगता येतो. अशाच एका आजोबांचा व्हिडिओ सध्या सर्वांचे लक्ष वेधून घेत आहे. आजोबा प्रत्येक क्षणाचा आनंद घेत बिनधास्तपणे नाचत आहे. सलमान खानच्या गाण्यावर नाचत आजोबांनी लाखो नेटकऱ्यांचे मन जिंकले आहे.
सलमान खानच्या गाण्यावर नाचत आहेत आजोबा
व्हायरल व्हिडीओमध्ये एक आजोबा सुपरस्टार सलमान खानच्या प्रसिद्ध गाण्यावर नाचताना दिसत आहे. काही तरुण रस्त्यावर माइक हातात घेऊन ओ ‘ओ जाने जाना’ हे गाणे गात आहे. त्यांचे गाणे पाहण्यासाठी आसपासच्या लोकांनी गर्दी केली आहे. तेवढ्यात एक उत्साही आजोबा गर्दीच्या मधोमध येऊन नाचत आहे. उड्या मारून नाचताना दिसत आहे. आजोबांचा उत्साह आणि डान्स पाहून नेटकऱ्यांच्या चेहऱ्यावर हसू उमटले आहे.
हेही वाचा – “माय-बापाचे उपकार आपण फेडू शकत नाही!” आई वडीलांना पाहताच पुण्याचा पोलिस झाला नतमस्तक, Viral Video बघाच
येथे पाहा Viral Video
हेही वाचा – अमेरिकन युट्युबरने खरेदी केला ८४ लाखांचा रोबो डॉग, भुंकताना ओकतोय आग, Video Viral
आजोबांचा व्हिडीओ पाहून नेटकऱ्यांना आवरेना हसू
व्हायरल व्हिडिओ इंस्टाग्रामवर i_love_mumbai_9838 नावाच्या पेजवर पोस्ट केला आहे. व्हिडिओ पोस्ट करताना कॅप्शनमध्ये लिहिले आहे की,”चाचा(काका) रॉक्स” व्हिडिओ पाहून अनेकांनी मजेशीर प्रतिक्रिया दिल्या आहेत.
वाचा नेटकऱ्यांच्या मजेशीर प्रतिक्रिया
एकाने कमेंट करत लिहिले की, “हे काका रविवारी मरीन ड्राईव्हला नेहमी दिसतात.”
दुसऱ्याने लिहिले , “काका ओ काका, थोडा आराम करा.”
तिसरा म्हणाला, “वय हा फक्त एक आकडा आहे. काकांनी धमाल केली आहे आणि सर्वांना थक्क केले आहे. चांगले काम करण्यात काही लाज बाळगण्यासारखे नाही. कोणतेच काम छोटे किंवा मोठे नसते.”
आजोबांचा उत्साह पाहून एकाने विचारले, “आजोबा काय खातात?”
