सोशल मीडियावर प्रसिद्धी मिळण्यासाठी आज लोक काय करतील याचा नेम नाही. कधी कोणी भररस्त्यात उभे राहून नाचताना दिसते तर कोणी बस, रेल्वे,मेट्रोमध्ये जाऊन स्टंटबाजी करताना दिसतात. काही व्ह्यूज आणि लाईक्स मिळवण्यासाठी अनेकदा लोक स्वत:चा जीव धोक्यात टाकतात. सोशल मीडियावर अशाच एका व्हिडीओची चर्चा सुरु आहे. व्हिडीओमध्ये तरुणी चक्क धावत्या रेल्वेच्या छतावर धावताना दिसत आहे. Viral Video पाहून नेटकऱ्यांना आपल्या डोळ्यांवर विश्वास बसत नाही.
प्रसिद्धीसाठी अनेक लोक स्टंटबाजी करताना दिसतात कोणी रेल्वेच्या दरवाज्यामध्ये लटकून प्रवास करते तर कोणी रेल्वे रुळावर डान्स करताना दिसते. आता एका तरुणीने हद्दच पार केली आहे. व्हिडीओमध्ये एक तरुणी थेट धावत्या रेल्वेच्या छतावर चढली आहे. एवढंच नाही तर धावत्या रेल्वेच्या छतावर ती धावताना आणि नाचताना दिसत आहे. हा व्हिडिओ बंगलादेशातील असल्याचे सांगितले जात आहे. व्हायरल व्हिडिओ पाहून नेटकऱ्यांना धक्का बसला आहे.
एक्सवर Ghar Ke Kalesh नावाच्या पेजवर हा व्हिडिओ पोस्ट केला आहे. व्हिडिओ शेअर करताना कॅप्शनमध्ये “सबवे सर्फर्स: बांगलादेशातील व्हर्जन” असे लिहिले आहे. सबवे सर्फर्स ही एक व्हिडिओ गेम आहे ज्यामध्ये रेल्वे ट्रकवरील गोल्ड कॉईन गोळा करण्यासाठी मोबाईल स्क्रिन दिसणारा खेळाडू धावताना दिसतो आणि अचानक समोरून ट्रेन येते. अनेकांना ही गेम खेळायला आवडते. पण प्रत्यक्ष आयुष्यातही लोक असे स्टंट करत आहे हे पाहून लोकांना ही गेम आठवत आहे.
व्हायरल व्हिडिओ पाहून अनेकांना शाहरूख खानच्या छैया छैया गाण्याची आठवण होत आहे तर व्हिडिओ पाहून काहींच्या काळजात धडकी भरली आहे. एकाने कमेंटमध्ये लिहिले की, “खूपच खतरनाक आहे हे तर”
तर दुसऱ्याने लिहिले की, ताईने ट्रेनला ट्रेडमिल बनवून टाकलेय.
तिसऱ्याने लिहिला, “ही महिला खऱ्या आयुष्यात सबवे सर्फर्स खेळतेय”
l
