६९व्या ‘प्रजासत्ताक दिना’निमित्त सर्वाधिक ट्विटचा विक्रम

या प्रजासत्ताक दिनाला भारतानं आसिआन देशातील १० राष्ट्रप्रमुखांना प्रमुख पाहुणे म्हणून आमंत्रित केले होते. भारताच्या इतिहासात पहिल्यांदाच प्रजासत्ताक दिनाला दोन पेक्षा अधिक देशांच्या राष्ट्रप्रमुखांना पाहुणे म्हणून आमंत्रित करण्यात आले होते. भारताच्या लष्करी सामर्थ्यांचं दर्शन घडवणारा हा दिमाखदार सोहळा प्रजासत्ताक दिनाच्या दिवशी पार पडला. यानिमित्तानं देशभरातून शुभेच्छांचा वर्षाव ट्विटच्या माध्यमातून केला गेला. इतकंच नाही तर गुगलनंदेखील खास डुडल तयार करत वैविधतेनं नटलेल्या भारताचं दर्शन घडवलं.

ट्विटरनंदेखील ६९ व्या प्रजासत्ताक दिनानिमित्त खास इमोजी आणले होते. #HappyRepublicDay, #RepublicDay, #RepublicDay2018 असे हॅशटॅग वापरल्यावर त्यासोबत इंडिया गेटचा इमोजी दिसत होता. ट्विटरची ही कल्पना सर्वांनाच खूप आवडली होती. इतकंच नाही तर संपूर्ण जगभरातील ट्विटर ट्रेंडमध्येदेखील भारताचा प्रजासत्ताक दिन हा ट्रेंडमध्ये होता.