आयसीसी वनडे वर्ल्ड कप २०२३ चा अंतिम सामना आज टीम इंडिया आणि ऑस्ट्रेलिया यांच्यात खेळला गेला. या रोमांचक सामन्यात ऑस्ट्रेलियाने टीम इंडियाचा सहा गडी राखून पराभव करत सहाव्यांदा विश्वविजेतेपद पटकावले आहे. दोन्ही संघांमध्ये चुरशीची स्पर्धा झाली. टीम इंडियाच्या खेळाडूंना लौकिकाला साजेशी कामगिरी करता आली नाही. भारतीय संघाने सलग दहा सामन्यांमध्ये दणदणीत विजय मिळवला होता. पण अंतिम मुकाबल्यात ऑस्ट्रेलियाने सरस खेळ करत बाजी मारली.
पण टीम इंडियाच्या पराभवानंतर भारतीय क्रिकेट चाहते निराश झाल्याचे पाहायला मिळत आहेत. तर दुसरीकडे भारताचा शेजारी देश पाकिस्तानमध्ये आनंद साजरा केला जात आहे. पाकिस्तानचे अनेक सोशल मीडिया यूजर्स फिल्मी मीम्स शेअर करून भारतीय संघाच्या पराभवावर आनंद व्यक्त करत आहेत. तसेच २०२३ चा विश्वचषक जिंकल्याबद्दल ऑस्ट्रेलियन संघाचे अभिनंदन करत आहेत.
पाकिस्तानचे व्हायरल फिल्म मीम्स
