Pakisthan Railway Funny Video l आजकाल लोकांमध्ये सोशल मीडियावर फेम होण्याची वेगळीच क्रेझ पाहायला मिळते. त्यासाठी अनेक जण स्टंटबाजी किंवा काहीतरी मजेशीर गोष्ट करण्याचा प्रयत्न करतात. अशा व्हिडीओंतील काही व्हिडीओ पाहून आश्चर्यचकित व्हायला होते; तर काही इतके मजेदार असतात की, पाहताना हसून हसून पोट दुखते. सध्या सोशल मीडियावर भारतीय रेल्वेसंदर्भातील असाच एक मजेशीर व्हिडीओ व्हायरल होत आहे, जो पाहिल्यानंतर तुम्हालाही प्रश्न पडेल की, कोण आहेत हे लोक आणि कुठून आले आहेत? हा व्हिडीओ सध्या सोशल मीडियावर तुफान व्हायरल होतोय.
व्हायरल व्हिडीओमध्ये काही तरुण आपल्या बाईकच्या मदतीने ट्रेनमधून प्रवास करणाऱ्या लोकांना त्रास देताना दिसत आहेत. त्यांची ही कृती पाहून तुम्हाला प्रश्न पडेल की, हे असे का करतायत. पण, पुढे लक्षात येईल की, हे तरुण अशा प्रकारच्या आपल्या मजेशीर कृतीद्वारे भरधाव ट्रेनवर पाणी उडवतायत.
भरधाव ट्रेनवर तरुण बाईकच्या मदतीने उडवतायत पाणी (pakistan railway viral video)
व्हिडीओमध्ये तुम्ही पाहू शकता की, रेल्वे रुळाशेजारी असलेल्या एका पाणथळ ठिकाणी काही तरुण त्यांची बाईक घेऊन उभे आहेत. यावेळी तरुणांच्या ग्रुपने त्यांच्या बाईक स्टार्ट करीत डबल स्टॅण्डवर उभ्या करून ठेवल्या आहेत. त्यानंतर ट्रेन येताच सर्व जण बाईकला ‘रेज’ करू लागतात आणि त्यामुळे त्या ठिकाणी असलेले पाणी ट्रेनवर आणि त्यात बसलेल्या प्रवाशांच्या अंगावर उडू लागते. अचानक अंगावर पाणी उडू लागल्याने ट्रेनमधून प्रवास करणारे प्रवासीही बावचळून चिंताग्रस्त झालेत.
Read More Trending News : धारावीतील बजरंग दलाच्या अरविंद वैश्यच्या निघृण हत्येचा video आला समोर? नेमकं घडलं काय? वाचा सत्य बाजू
मात्र, तरुणांना असे करून फार मजा येत होती. ट्रेन रुळांवरून निघून पुढे जाईपर्यंत ते अशा रीतीने पाणी उडवत राहतात. हा व्हिडीओ एक्सवर @PalsSkit नावाच्या अकाउंटवरून शेअर केला गेला आहे.
हा व्हिडीओ पाहून युजर्सही आश्चर्यचकित झाले आहे. दरम्यान हा व्हायरल व्हिडीओ पाकिस्तानमधील असल्याचा दावा केला जात आहे. ज्यावर अनेकांनी मजेशीर कमेंट्स केल्या आहेत. एका युजरने लिहिले की, ट्रेनची साफसफाई करत आहेत बिचारे. दुसऱ्या युजरने लिहिले की, ट्रेनला स्वच्छ करतायत की प्रवाशांना. तिसऱ्याने लिहिले की, यासाठी रेल्वे प्रशासनाने वेगळी शिक्षा केली पाहिजे. शेवटी एकाने लिहिले की, हे अशिक्षित लोक व्हिडीओच्या नावाखाली काहीही तयार करीत आहेत. दरम्यान हा व्हिडीओ वेगाने व्हायरल होत असून तो पाहून युजर्सही भरपूर आनंद घेत आहेत.
