‘प्रेम’… या एका शब्दाचा उल्लेख करताच अनेकांच्या मनात विविध भावना दाटून येतात. ‘प्रेम म्हणजे प्रेम म्हणजे प्रेम असतं, तुमचं आणि आमचं अगदी सेम असतं’, ही ओळही लगेचच अनेकांच्या मनात येते. प्रेमात असलेल्या प्रत्येकाला हे जग जणू एका परिकथेप्रमाणेच वाटू लागतं. या परिकथेत राजकुमार, राजकन्या असतातच. पण, त्यासोबतच असते ते म्हणजे त्यांच्यातील निखळ प्रेम. अशाच या प्रेमाच्या जोरावर पाकिस्तानातील एक वयोवृद्ध महिला थेट साता समुद्रापार पोहोचली आहे.

आपल्या जोडीदाराच्या साथीने जगलेल्या त्या अविस्मरणीय क्षणांची आठवण पुन्हा जागवण्यासाठी ‘चाची’ लंडनला पोहोचल्या होत्या. पतीसोबत व्यतीत केलेले क्षण पुनरुज्जिवीत करणाऱ्या या महिलेच्या प्रेमकहाणीने सध्या सोशल मीडियावर अनेकांचेच लक्ष वेधले आहे. ‘चाची चॅटर्स’ या नावाने ट्विटरवर सक्रिय असणाऱ्या या महिलेने लंडनमध्ये जात ठराविक उद्यानातील ज्या कारंज्याखाली असणाऱ्या बाकड्यावर आपल्या पतीसोबत निवांत क्षण व्यतीत केले होते, त्या आठवणींना उजाळा दिला. बऱ्याच वर्षांपूर्वी त्या ठिकाणाला त्यांनी भेट दिली होती. पण, आता मात्र तिथे बरेच बदल झाले, त्यामुळे त्या उद्यानात पोहोचल्यावर नेमके आपण कोणत्या कारंज्याखालच्या बाकावर बसलो होतो हे त्यांच्या लक्षात आले नाही. इथे त्यांनी नेटकऱ्यांची मदत घेण्याचे ठरवले. त्यासाठी त्यांनी काही ट्विटही केले. काही नेटकऱ्यांनी चाचीला त्या जागेचा शोध घेण्यास मदतही केली.

आणखी वाचा
love became mistake chatura
आयुष्याची घडी विस्कटवणारी वादळवाट…
Goa Shack Owners
Goa Tourism : गोव्याकडे देश-विदेशातील पर्यटकांची पाठ? शॅक…
mudassar khan riya kishanchandani welcome baby girl
Video: वर्षभरापूर्वी केलं आंतरधर्मीय लग्न, सलमान खानचा जवळचा मित्र झाला बाबा; पत्नीने मुलीला दिला जन्म
Premachi Goshta Fame Actress Amruta Bane
सासरे असावेत तर असे! ‘प्रेमाची गोष्ट’ फेम अभिनेत्रीची सासरेबुवांसाठी खास पोस्ट; अभिनेता पती कमेंट करत म्हणाला…
badshah post on diljit dosanjh ap dhillon dispute
दिलजीत दोसांझ आणि एपी ढिल्लनच्या वादात बादशाहने घेतली उडी; पोस्ट शेअर करत म्हणाला, “आम्ही केलेल्या चुकांची…”
zakir hussain account first post after demise
झाकीर हुसैन यांच्या सोशल मीडिया अकाउंटवर कुटुंबियांकडून पोस्ट; ‘तो’ खास फोटो शेअर करत लिहिलं…
Allu Arjun Emotional
Allu Arjun : “फायर नहीं वाईल्ड फायर…” म्हणणारा ‘पुष्पा’ जेव्हा भावूक होतो, ‘त्या’ घटनेचा उल्लेख करताच अल्लू अर्जुनचा कंठ दाटला
saleel kulkarni shared special post for daughter Ananya on her birthday
“प्रत्येक जन्मी मला तुझा बाबा होऊ दे”, सलील कुलकर्णींची लेकीसाठी सुंदर पोस्ट, म्हणाले, “माझ्या जीवाची सावली…”

आणीबाणीवर आधारित माहितीपट प्रमाणित करण्यास सेन्सॉरचा नकार

 

एकामागोमाग एक बरेच ट्विट करत चाचीने आठवडाभराच्या त्यांच्या लंडन सफरीचे सुरेख वर्णन केले आहे. पतीच्या कामानिमित्त लंडनला जाणे झाले असतानाच्या त्या सुखद आठवणींना उजाळा देणाऱ्या या चाचींचे ट्विट पाहून अनेकांनाच त्यांच्या आयुष्यात असणाऱ्या त्या खास व्यक्तीची आठवण झाली आहे. वय, देश, प्रांत, काळ अशा कोणत्याच सीमांच्या बंधनात न अडकणाऱ्या या प्रेमकहाणीनेच एक प्रकारे अनेकांना जोडलं आहे असं म्हणायला हरकत नाही.

‘चाची चॅटर्स’ना नेटकऱ्यांनी अशी मदत केली

 

 

Story img Loader