Viral video: जगातील सर्वात विचित्र प्राण्यांची गणना केल्यास, मानव प्रथम येईल. सर्वात हुशार मानला जाणारा हाच मानव कधी काय करेल याचा नेम नाही. त्याचे छंद आणि आवडीही कधी कधी फार विचित्र असतात. यातच हल्ली फोटोचं वेड इतकं वाढलंय की, फोटोसाठी लोक काहीही करायला तयार असतात. एखाद्या पर्यटनस्थळी, एखाद्या प्राण्या पक्षासोबत तसेच धोकादायक प्राण्यासोबतही फोटो काढण्यासाठी काहीजण इच्छूक असतात. पण कधी कधी अशा कृती धाडसाच्या नसून मूर्खपणाच्या वाटतात. कारण त्या जीवावर बेतू शकतात. असाच एक प्रकार सध्या समोर आला आहे. फोटो काढण्यासाठी पालकांनी मुलांना जिवंत मगरीसमोर उभं केलंय मात्र पुढे जे घडलं ते पाहून तुमच्याही काळजाचा ठोका चुकेल.
सोशल मीडियावर नेहमीच वेगवेगळे व्हिडीओ व्हायरल होत असतात. हे व्हिडीओ कधी मनोरंजक असतात. तर कधी हृदयाचे ठोके चुकवणारे असतात. तुम्हाला तर माहिती आहे की मगर ही सगळ्यात धोकादायक प्राण्यांपैकी एक आहे. तिच्या जबड्यात अगदी मोठा प्राणी फसला तरी त्याचं वाचणं जवळपास अशक्य होऊन जातं.
सोशल मीडियावर व्हायरल होत आहेत. या व्हिडिओमध्ये एक कुटुंब दिसत आहे. ज्यामध्ये लहान मुले आणि पालक देखील आहेत. पालक आणि मुले कुठेतरी जात असताना रस्त्यात मगर दिसली. व्हिडीओत तुम्ही पाहू शकता रस्त्यावर दोन मुलं दिसत आहे. त्यांचे पालक त्यांना रस्त्याच्या कडेला उभं करतात आणि त्यांचा फोटो काढताना दिसतात. तसं पाहायला गेलं तर हे दृश्य सामान्य. पण दिसतं तितकं ते सामान्य नाही. कारण रस्त्याच्या कडेला उभी असलेली ही मुलं चक्क मृत्यूच्या जबड्याजवळच आहेत, असंच म्हणावं लागेल.आत्तापर्यंत बरं होतं, त्यानंतर आई-वडील जबरदस्तीने मुलांना मगरीच्या आणखीन जवळ जाण्यासाठी सांगत आहेत. मुले भीतीपोटी आपल्या पालकांचं एकत आहेत. मात्र हे किती जिवघेणं आहे हे व्हिडीओमध्ये दिसत आहे. मगरीनं जबडा उघडलेला आहे आणि ती इतकी जवळ आहे की व्हिडीओ पाहताना आपल्या हृदयाची धडधड वाढते.
पाहा व्हिडीओ
हेही वाचा >> कडक सॅल्यूट! लेकीला पहिल्यांदा वर्दीमध्ये पाहून आईच्या अश्रूंचा बांध फुटला; VIDEO पाहून व्हाल भावूक
सोशल मीडिया प्लॅटफॉर्मवर @ramprasad_c नावाच्या अकाऊंटवरुन हा व्हिडीओ शेअर करण्यात आला आहे. हा व्हिडिओ आतापर्यंत ३ लाखांहून अधिक वेळा पाहिला गेला आहे. सोशल मीडियावर व्हायरल होत असलेल्या या व्हिडिओवर विविध प्रकारच्या कमेंट्स पाहायला मिळत आहेत. एका वापरकर्त्याने पालकांवर टीका केली आहे.
