Video Viral : सध्या लोकांना फोटो काढण्याचं इतकं वेड आहे की जिथे जाईल तिथे फोटो काढताना दिसतात. वेळ मिळेल तसा कधी सेल्फी तर कधी फोटोशूट करताना दिसतात. सध्या असाच एक व्हिडीओ व्हायरल होत आहे.
या व्हिडीओमध्ये काही लोक शांत झोपलेल्या मगरीबरोबर फोटो काढताना दिसत आहेत; पण मगरीबरोबर फोटोशूट करणे त्यांना चांगलेच महागात पडले. हा व्हिडीओ पाहून तुमच्या अंगावरही काटा येऊ शकतो.
या व्हायरल व्हिडीओमध्ये एक मगर शांत झोपलेली असते. तितक्यात एक तरुण येतो आणि मगरीबरोबर फोटो काढायला सुरुवात करतो. त्यानंतर तो तरुण या मगरीला हात लावण्याचा प्रयत्न करतो. तरीसुद्धा मगर शांत झोपलेली असते. मगर काही प्रतिक्रिया देत नाही, हे पाहून तिथे असलेली एक महिला आणि एक तरुण मगरीला हात लावण्याचा प्रयत्न करतात आणि मगरीबरोबर फोटो काढतात.
त्यानंतर आणखी एक तरुण आणि महिला मगरीबरोबर फोटो काढायला येतात, तेव्हा मात्र झोपलेली मगर अचानक जागी होते आणि अंगावर धावून येते. फोटो काढण्यासाठी मगरी शेजारी आलेले सर्व जण सैरावैरा पळत सुटतात आणि हा व्हायरल व्हिडीओ येथेच संपतो. त्यामुळे पुढे काय झालं, याविषयी अद्याप माहिती नाही, पण हा व्हिडीओ सोशल मीडियावर तुफान व्हायरल होत आहे.
हेही वाचा : शिल्पा शेट्टीने दिलेले हे चॅलेंज स्वीकारा; हात न सोडता, मनगट फिरवून दाखवा; पाहा VIDEO
tanu_patidar505 या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “हा व्हिडीओ शेवटपर्यंत बघा.” या व्हिडीओवर अनेक लोकांच्या प्रतिक्रिया आलेल्या आहेत.
एका युजरने लिहिलेय, “व्हिडीओ पाहून मी घाबरलो”, तर एका युजरने लिहिलेय, ” घाबरून माझ्या हातातून मोबाईल पडला.”
