लग्न किंवा एखादा कार्यक्रम असेल तर जेवणाची किंवा नाश्त्याची सोय करण्यात येते. तर जेवणात किंवा नाश्ता करण्यासाठी कितीही चमचमीत पदार्थ टेबलावर ठेवले असतील तरीही गोड पदार्थ खाण्यासाठी लोकांची रांग लागलेली असते. मग ते आईस्क्रीम खाणे असो किंवा गुलाबजामसारखा गोड पदार्थ असो. तर आज सोशल मीडियावर असाच एक व्हिडीओ व्हायरल होत आहे. एका कार्यक्रमात गुलाबजाम खाण्यासाठी लोकांनी रांग नाही तर गर्दी केली आहे आणि जे मिळेल त्यात गुलाबजाम भरून घेऊन चालले आहेत.
व्हायरल व्हिडीओ एका सार्वजनिक कार्यक्रमाचा आहे. एका टेबलावर अनेक पदार्थ मांडले आहेत. तसेच कार्यक्रमात जमलेली माणसं जेवणाचा आनंद घेताना दिसत आहेत. पण, टेबलावर सगळ्यात शेवटी दोन मोठ्या परातीमध्ये गुलाबजाम ठेवण्यात आले आहेत. तर हे गुलाबजाम घेण्यासाठी लोकांनी रांग न लावता गर्दी केलेली दिसते आहे आणि काही वेळातच गुलाबजाम ठेवलेल्या दोन्ही पराती रिकाम्या झालेल्या दिसत आहेत. कशाप्रकारे गुलाबजाम खाण्यासाठी लोकांनी एकच गर्दी केली, एकदा तुम्हीसुद्धा व्हिडीओतून बघाच…
हेही वाचा…चोरीचा डाव फसला! ज्वेलर्समध्ये महिला घुसली खरी पण शेवटच्या क्षणी…पाहा व्हायरल VIDEO
व्हिडीओ नक्की बघा :
पिशवीत, ताटात भरून घेतले गुलाबजाम :
लग्नात बडीशेप किंवा एखादा कटलेटसारखा छोटा पदार्थ आवडला की अनेक जण टिश्यू पेपरमध्ये ठेवून घरी घेऊन येतात, असे मजेदार किस्से तुम्ही ऐकले असतील. पण, इथे तर चक्क मिळेल त्या वस्तू हातात घेऊन त्यात गुलाबजाम परातीतून उचलले जात आहेत. काही जण प्लास्टिकच्या पिशवीमधून, तर काही जण परातीत ताट बुडवून गुलाबजामून घेताना दिसत आहेत. लहान मुलांपासून ते मोठ्यांपर्यंत सगळेच अगदी मजेशीर पद्धतीत गुलाबजाम परातीतून उचलून घेऊन जात आहेत.
तसेच काही सेकंदातच गुलाबजामने भरलेली परात तुम्हाला खाली झालेली दिसेल. सोशल मीडियावर हा व्हिडीओ @budhwarde या एक्स (ट्विटर) अकाउंटवरून शेअर करण्यात आला आहे. ‘मित्रांनो खा, प्या आणि मजा करा’ अशी कॅप्शन या व्हिडीओला देण्यात आली आहे. व्हिडीओ पाहून अनेक जण पोट धरून हसताना दिसत आहेत; तर काही जण मजेशीर प्रतिक्रिया व्यक्त करत आहेत. तसेच एक युजर म्हणतो आहे की, ही कोणती गुलाबजाम खाण्याची पद्धत आहे; अशा अनेक कमेंट व्हिडीओखाली तुम्हाला दिसून येतील.
