प्रामाणिक कुत्रा! हिमाचल प्रदेशात २ ट्रेकर्सचा मृत्यू; कुत्र्याने ४८ तास केले मृतदेहाचे रक्षण

एनडीटीव्हीनुसार, त्याचा जर्मन शेफर्ड कुत्रा दोन्ही ट्रेकर्ससह ट्रेकवर गेला होता. बचाव पथकाला दोन दिवसांनंतर ट्रॅकर्सचे मृतदेह सापडले. त्यांचा पाळीव कुत्रा तब्बल ४८ तास मृतदेहाजवळ बसून भुंकत राहिला. तो त्याच्या मालकाच्या मृतदेहाला सोडून कुठेही गेला नाही.

हेही वाचा – सर्वसामान्यांच्या खिशाला बसणार झळ! शाकाहारी थाळी झाली महाग अन् मांसाहारी थाळीचे दर…

अभिनंदन गुप्ता (३०, रा. पठाणकोट, पंजाब) आणि प्रणिता वाला (२६ रा. पुणे) अशी मृत ट्रेकर्सची नावे आहेत. ट्रेकिंगदरम्यान पाय घसरून पडल्याने दोघांचा मृत्यू झाल्याचे समजते. शवविच्छेदन अहवालानंतर मृत्यूचे कारण स्पष्ट होईल, असे अधिकाऱ्यांनी सांगितले. मिळालेल्या माहितीनुसार, अभिनंदन गुप्ता आणि प्रणिता बराच वेळ परतले नाहीत तेव्हा ग्रुपमधील इतर लोकांनी बेपत्ता झाल्याची तक्रार दाखल केली होती. काही वेळातच त्याच्या शोधासाठी शोध पथक पाठवण्यात आले. मंगळवारी सकाळी पोलिस अधिकाऱ्यांसह बचाव पथकाने शोध मोहीम सुरू केली. जर्मन शेफर्डचा सतत भुंकण्याचा आवाज ऐकून एक टीम घटनास्थळी पोहोचली तेव्हा काही तासांनंतर त्यांचे मृतदेह सापडले.

हेही वाचा – चिमुकल्या कबड्डी खेळाडूने केली कमाल! झेप घेत खेळाडूला केले चितपट, व्हिडीओ होतोय व्हायरल

४ जणांचा ग्रुप होता

हिमाचलमध्ये सुमारे ५००० फूट उंचीवर असलेले बीर बिलिंग हे ट्रॅक आणि पॅराग्लायडिंगसाठी आवडते ठिकाण आहे. एबीपी न्युजच्या वृत्तानुसार, कांगडा जिल्ह्याचे पोलिस प्रमुख वीर बहादूर यांनी दिलेल्या माहितीनुसार, अभिनंदन गुप्ता गेल्या चार वर्षांपासून पॅराग्लायडिंग आणि ट्रेकिंगसाठी या भागात राहत होता. प्रणिता काही दिवसांपूर्वीच पुण्याहून आली होती. एका कारमधून ४ जणांचा ग्रुप निघाल्याचे प्राथमिक तपासात समोर आले आहे. हवामानातील बदलानंतर गाडी पुढे जाऊ शकली नाही आणि दोन जण परतले, तर गुप्ता आणि प्रणिता आपल्या कुत्र्याला घेऊन पायी निघाले.