‘रतन टाटांना ‘भारतरत्न’ पुरस्कार द्या’; ऑनलाइन याचिकेला लाखो नेटकऱ्यांचा पाठिंबा

या ऑनलाइन याचिकेनुसार, “रतन टाटा हे परोपकार आणि मानवतेचे उत्तम उदाहरण आहेत. त्यांनी अनेक संशोधनांसाठी, शैक्षणिक आणि सांस्कृतिक संस्था उभारण्यासाठी मदत केली आहे.” दीड आठवड्यापूर्वी करण्यात आलेल्या या याचिकेमध्ये टाटा ग्रुप्सच्या मदतीने उभारण्यात आलेल्या संशोधन संस्थांची यादीही देण्यात आली आहे. तसेच रतन टाटा यांच्या नेतृत्वाखाली टाटा ग्रुपच्या माध्यमातून केल्या जाणाऱ्या समाजसेवेचीही माहिती यामध्ये देण्यात आली आहे.

आणखी वाचा

गडकरी म्हणतात, “चुकून राजकारणात आलो, नाहीतर नक्षलवादी चळवळीत जाऊन…”

Bigg Boss Marathi 5: सर्व एलिमिनेटेड सदस्यांची घरात…

डिस्को डान्सर…

महाबँकेला राजभाषेचा सर्वोच्च ‘कीर्ती पुरस्कार’

कॉसमॉस बँकेला सर्वोत्कृष्ट सहकारी बँकेचा पुरस्कार

Dadasaheb Phalke Award : दादासाहेब फाळके पुरस्काराची परंपरा कधी सुरु झाली? काय असतं पुरस्काराचं स्वरुप? कोण कोण आहेत मानकरी?

कृषी पुरस्कार वितरण सोहळ्यात गोंधळ; फेटे उडवून शेतकऱ्यांकडून निषेध

पुणे : फोटो २० संजीवनी भेलांडे,दीदी पुरस्कार संजीवनी भेलांडे यांना जाहीर

टाटा सन्स आणि टाटा ट्रस्टने देशामधील करोनाच्या संकटावर मात करण्यासाठी एक हजार ५०० कोटींचा निधी देणार असल्याची घोषणा काही आठवड्यांपूर्वी केली होती. २८ मार्च रोजी रजन टाटांनी एक ट्विट केलं होतं. या ट्विटमध्येच त्यांनी देशामधील करोनाच्या संकटाला तोंड देण्यासाठी आणि त्याचा प्रादुर्भाव कमी करण्यासाठी टाटा ग्रुपच्या कंपन्या शक्य ती मदत करतील असं म्हटलं होतं. “करोनाचं संकट हे मानवजातीसमोरील अत्यंत कठीण आव्हान आहे. टाटा ट्रस्ट आणि टाटा समूहाच्या कंपन्यांनी यापूर्वी देशाला जेव्हा जेव्हा गरज पडली तेव्हा मदत केली आहे. सध्याचे संकटात देशाला मदतीची गरज आहे,” असं टाटा यांनी आपल्या ट्विटमध्ये म्हटलं होतं.

नक्की वाचा >> ‘टाटा ग्रुप’कडून डॉक्टरांना फाइव्ह स्टार ट्रीटमेंट! मुंबईतील पाच पंचतारांकित हॉटेलमध्ये केली राहण्याची सोय

करोना विषाणूंशी लढण्यासाठी जी यंत्रणा उभी करावी लागणार आहे, त्यासाठी हा निधी वापरण्यात येणार असल्याचे टाटांनी पोस्ट केलेल्या ट्विटमधील फोटोमध्ये नमूद करण्यात आलं होतं. करोनाशी लढणाऱ्या वैद्यकीय कर्मचाऱ्यांसाठी वैयक्तिक संरक्षक उपकरणे (पीपीई) निर्माण करणे, करोनाच्या रुग्णांवर उपचार करण्यासाठी श्वसनप्रणाली निर्माण करणे, दरडोई चाचण्यांची संख्या वाढविण्यासाठी टेस्टींग किटची निर्मिती करणे, संक्रमित रूग्णांसाठी मॉड्यूलर उपचार सुविधा उभारणे, आरोग्य कर्मचारी आणि सामान्यांपर्यंत करोनासंदर्भातील जनजागृती करुन त्याबद्दलचे व्यवस्थापन आणि प्रशिक्षण देणे अशा कामांसाठी पैसे वापरण्यात येणार असल्याचे स्पष्ट करण्यात आलं होतं.

The COVID 19 crisis is one of the toughest challenges we will face as a race. The Tata Trusts and the Tata group companies have in the past risen to the needs of the nation. At this moment, the need of the hour is greater than any other time. pic.twitter.com/y6jzHxUafM

— Ratan N. Tata (@RNTata2000) March 28, 2020

रतन टाटांना भारतरत्न देण्याची मागणी करण्याबरोबर चेंज डॉट ओआरजीवर टाटांसंदर्भातील जवळजवळ डझनभर याचिका असल्याचे दिसून येते. अगदी रतन टाटा यांनी राष्ट्रपती करावे यासंदर्भातील याचिकाही या वेबसाईटवर आहे. “रतन टाटांना भारताचे राष्ट्रती करावे. प्रत्येक वेळेस राजकारण्यालाच का संधी द्यायची?” असा सवाल विचारणारी याचिकाही या वेबसाईटवर आहे. अर्थात तिला अगदीच कमी म्हणजेच केवळ ८३ लोकांनी समर्थन दर्शवले आहे.

टाटा ग्रुपचे संस्थापक आणि माजी अध्यक्ष जमशेदजी टाटा यांनी १९९२ साली भारतरत्न पुरस्कार प्रदान करण्यात आला होता.