ते देखणे होतेच! २०१५ साली कॅनडाच्या पंतप्रधानपदाची सूत्रं हातात घेतल्यावर लगेच जस्टिन ट्रुडो जगभर चर्चेच आले. एरवी पंतप्रधान, राष्ट्राध्यक्ष या सगळ्या पदांवर जगभरात किमान साठी पार केलेले राजकारणी दिसत असताना कॅनडाच्या पंतप्रधानपजी आलेला हा तरूण राजकारणी चटकन सगळ्यांच्या नजरेत भरला. राजकारण्यांपैकी थोडेजणच दिलखुलासपणे हसू शकतात. जस्टीन ट्रुडो त्यांपैकीच एक. त्यांचं वागणं बोलणं वावरणं हे आंतरराष्ट्रीय राजकारणात चर्चेचा विषय ठरले होतं. एक हँडसम राजकारणी म्हणून त्यांची ओळख होतीच.
पण दोन-तीन दिवसांपूर्वी ट्रुडो यांचे लहानपणीचे फोटो नेटवर व्हायरल झाले आणि हलकल्लोळ माजला. व्हॅलेंटाईन डे नंतर पहिल्यांदाच जगभर सगळीकडे प्रेमभावना दाटून आली. पहा कॅनडाचे पंतप्रधान लहानपणी कसे होते ते.
हा फोटोमध्ये तरी ट्रुडो जवळपास आता दिसतात तसेच दिसत आहेत पण या पुढच्या फोटोमधल्या ‘सर्फर बाॅय’ पोझमधल्या जस्टीननी तरूणींची हृदयं घायाळ केली
आणि त्यांच्या किशोरवयातल्या या पुढच्या फोटोमुळे ‘गोग्गोड’ प्रतिक्रिया उमटल्या
तर काय आहे जस्टीन ट्रुडोंच्या ‘सेहत का राज?’. अगदी लहान वयापासून नियमित व्यायाम करून आहार चांगला ठेवल्याने त्यांची प्रकृती अतिशय उत्तम राहिली आहे. आणि फक्त प्रकृती उत्तम असून भागतं काय? मघा म्हटलं तसं दिलखुलासपणे आणि मनमोकळं हसण्याची वृत्तीही जागृत ठेवावी लागते. नाहीतर जिम मारून तयार झालेले अरनाॅल्ड पाच-पाच मिनिटाला दिसतात.
जस्टिन ट्रुडोंची लोकप्रियता आणि त्यांचं फॅन फाॅलोईंग गेल्या काही दिवसात जगभर अचानक वाढलं आहे. त्यात ते कॅनडाचे म्हणजेच एका पुढारलेल्या इंग्लिश बोलू शकणाऱ्या देशाचे पंतप्रधान असल्यामुळेही त्यांना ही जागतिक लोकप्रियता मिळवणं तुलनेने सोपं ठरतंय. नाहीतरी जगात आता ज्याच्याकडे पाहून प्रसन्न वाटेल असे राजकारमी कमीच उरले आहेत. आणि ज्या अध्यक्षपदाकडे सगळ्या जगाचं लक्ष असतं त्या खुर्चीमध्ये कोण बसलेत तर हे महाशय….
