Viral Video : पोलीस हे समाजातील एक महत्त्वाचा घटक आहे. गावात किंवा शहरात सुव्यवस्था राखणे, हे पोलीसांचे मुख्य काम आहे. पोलीस २४ तास जनतेच्या सेवेसाठी हजर राहतात. अनेकदा जबाबदारीमुळे ते कुटुंबाला सुद्धा वेळ देऊ शकत नाही. त्यांना अनेक आनंदा मिळणाऱ्या गोष्टींना मुकावे लागते. सध्या सोशल मीडियाच्या जगात अनेक पोलीस बांधव वेळ मिळेल तसा स्वत:चे मनोरंजन करताना दिसतात. कधी डान्सचे व्हिडीओ तर कधी गाण्याचे व्हिडीओ बनवून सोशल मीडियावर शेअर करतात. जबाबादारीतून थोडा वेळ मोकळा श्वास घेत आवड जपताना दिसतात. (police man made reel with other colleagues and won heart of netizens watch viral video)
सध्या असाच एक व्हिडीओ व्हायरल होताना दिसत आहे. एका पोलीस अधिकाऱ्याने त्याच्या सहकाऱ्याबरोबर ही रील बनवली आहे. ही रील पाहून तुम्हीही थक्क व्हाल. इतर पोलीस सहकारी सुद्धा या पोलीस अधिकाऱ्याबरोबर आनंद लुटताना दिसत आहे.
पोलीस अधिकाऱ्याने सहकाऱ्यांबरोबर बनवली Reel
हा व्हायरल व्हिडीओ एका बसमधील आहे. या बसमध्ये पोलीस बांधव बसलेले दिसत आहे. त्यातील एक पोलीस अधिकारी जागेवरून उठतो आणि ” दुनिया में रहना है तो काम कर प्यारे हाथ जोड सबको सलाम कर प्यारे” गाण्याचे लिरीक्स गाताना दिसतो. तो इतर सहकाऱ्यांना टाळ्या वाजवण्यास सांगतो. इतर सहकारी पोलीस सुद्धा प्रोत्साहन देत टाळ्या वाजवताना दिसतात. या पोलीस अधिकाऱ्याबरोबर गाण्याचा आनंद लुटताना दिसतात. सध्या हा व्हिडीओ चांगलाच व्हायरल होत आहे.
पाहा व्हायरल व्हिडीओ (Watch Viral Video)
javedjewale या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “कोणी इतकं प्रेमळ कसं असू शकतं.” तर एका युजरने लिहिलेय, “व्हिडीओ पाहून मन खूश झाले” आणखी एका युजरने लिहिलेय, “माझ्याकडून तुम्हाला जय हिंद जय भारत” या व्हिडीओवर अनेक युजर्सनी हार्टचे इमोजी शेअर केले आहेत. यापूर्वी सुद्धा पोलीस बांधवाचे असे अनेक मजेशीर व्हिडीओ व्हायरल झाले आहेत.
