तुरुंगातून सुटल्याचा आनंद, कैद्याने केला जबरदस्त डान्स; पाहून पोलिसांनी वाजवल्या टाळ्या; Video व्हायरल

कैद्याने सुटका होताच तुरुंगाबाहेर आनंदाने मारल्या उड्या

उत्तर प्रदेशातील कन्नौज जिल्ह्यातील एका तुरुंगाबाहेरील हा व्हिडीओ सध्या सोशल मीडियावर सध्या तुफान व्हायरल होतोय. व्हिडीओतील व्यक्ती अनेक महिने तुरुंगात होती; पण जेव्हा त्याची सुटका झाली तेव्हा त्याने आनंदाने उड्या मारल्या. तुरुंगाच्या दरवाजातून बाहेर येताच तो डान्स करू लागला. हा कैदी दंड भरण्यास सक्षम नसल्याने अनेक महिन्यांपासून तुरुंगातून बाहेर पडू शकला नव्हता. पण, न्यायालयाने सुनावलेली शिक्षा पूर्ण करून, तो बाहेर आला आणि चक्क पोलिसांसमोरच डान्स करू लागला. यावेळी पोलिसांनी टाळ्या वाजवून, त्याला प्रोत्साहन दिले.

उंदरामुळे विमान उड्डाण रद्द, विमानतळावर प्रवासी अन् ग्राउंड स्टाफमध्ये जोरदार राडा; घटनेचा VIDEO VIRAL

शिवा नगर असे या कैद्याचे नाव असून, तो ११ महिन्यांपासून तुरुंगात होता. उत्तर प्रदेश पोलिसांनी त्याला अमली पदार्थांच्या तस्करीप्रकरणी अटक केली होती. न्यायालयाने त्याला एक वर्ष कारावासाची शिक्षा सुनावली होती. त्याच्यावर हजार रुपयांचा दंड ठोठावण्यात आला होता; पण तो रक्कम भरण्यास सक्षम नव्हता. शिवा अनाथ असल्यामुळे त्याची बाजू मांडण्यासाठी कोणीही नव्हते.

कैद्याचा डान्स व्हिडीओ व्हायरल

पाऊल थकलं न्हाई! आजी-आजोबांचं ‘असं’ प्रेम मिळायला नशीब लागतं; VIDEO पाहून पाणावतील डोळे

तो छिब्रामाळ येथील कांसीराम कॉलनी येथील रहिवासी आहे. अशा स्थितीत संविधान दिनानिमित्त जिल्हा विधी सेवा प्राधिकरणाच्या प्रयत्नातून त्याची आणि त्याच्या आणखी एका साथीदाराचीही सुटका झाली. तुरुंगातून सुटल्यानंतरचा त्याचा हा व्हिडीओ सोशल मीडियावर व्हायरल होत आहे.