PHOTO: पुण्यातल्या डॉक्टरांचा नाद नाय! पेशंटला दिलेल्या प्रिस्क्रिप्शनवर लिहिलं असं काही की वाचून तुम्हीही पोट धरुन हसाल

डॉक्टरांनी प्रिस्क्रिप्शनवर असं लिहिलंय तरी काय?

आता तुम्हालाही प्रश्न पडला असेल की या डॉक्टरांनी प्रिस्क्रिप्शनवर असं लिहिलंय तरी काय? तुम्हाला सगळ्यांना माहितीच आहे आपण जेव्हा डॉक्टरकडे जातो तेव्हा डॉक्टर आपल्याला विशिष्ट गोळ्या लिहून देतात सोबतच त्या गोळ्या कशा आणि कधी खायच्या तसेच किती दिवस खायच्या हे सांगतात लिहून देतात. मात्र या डॉक्टरांनी कधीपर्यंत खायच्या असा प्रश्न विचारला असता प्रिस्क्रिप्शनवर असं काही लिहिलं की याचा कुणी विचारही नाही करु शकत. या डॉक्टरांनी प्रिस्क्रिप्शनवर “या दोन प्रकारच्या गोळ्या पांडुरंगचरी विलीन होईपर्यंत घेत राहणे” असं लिहिलं आहे. यानंतर याचा फोटो सोशल मीडियावर व्हायरल झाला.

पुणेकर त्यांच्या वैशिष्टपूर्ण तिरकस स्वभावासाठी नेहमी ओळखले जातात.‘तुम्हाला प्रत्येक विषयात स्वत:चे मत नसेल तर येथे प्रवेश नाही’ अशा इशार्‍यापासून ते ‘पगडीखालची खरी बुद्धिमत्ता काय असते हे पाहायचंय?’ असे आव्हान फक्त एकाच शहरात दिले जाऊ शकते, ते म्हणजे पुणे. कमीत कमी शब्दांत समोरच्याचा जास्तीत जास्त अपमान करण्याची कला पुणेकरांनाच साधली आहे, असे म्हणतात. त्यात आता डॉक्टरांचाही समावेश झाला आहे.

पाहा फोटो

सोशल मीडियावर हा फोटो fakt_marathi_jokes नावाच्या इन्स्टाग्राम अकाऊंटवरुन शेअर करण्यात आला आहे. यावर आता नेटकरीही वेगवेगळ्या प्रतिक्रिया देत आहेत. एकानं म्हंटलंय, पेशंट घाबरूनच जाईल पांडुरंगाकडे तर आणखी एकानं लिहिलंय शेवटी डॉक्टर पुण्याचा आहे हे विसरु नका.