Viral Video : सोशल मीडियावर एक नवीन ट्रेंड आला आहे. अनेक जण हातात पाटी धरून रस्त्यावर उभे राहतात आणि पाटीवर कधी ज्योक तर कधी सुंदर मेसेज लिहितात. काही मेसेज वाचून पोट धरून हसायला येते तर काही मेसेज भावुक करणारे असतात. सध्या असाच एक व्हिडीओ व्हायरल होत आहे. या व्हिडीओमध्ये एका तरुणाने तरुण मुलांना एक लाखमोलाचा संदेश दिला आहे. तुम्हाला प्रश्न पडला असेल की नेमका काय संदेश दिला? त्यासाठी तुम्हाला हा व्हिडीओ पाहावा लागेल. (pune fc road video a puneri boy amazing suggestion to youngsters to complete your wish this new year puneri paati viral)
पुणेकर तरुणाने दिला लाखमोलाचा संदेश, पुणेरी पाटी होतेय व्हायरल
हा व्हिडीओ पुण्यातील एफसीरोडवरील आहे. ३१ डिसेंबर आणि १ जानेवारीच्या मध्यरात्री एफसी रोड तुफान गर्दी दिसून येते. पुण्यातील अनेक तरुण मंडळी येथे जमतात आणि एकत्र नवीन वर्षाची सुरुवात करतात याच गर्दीत एका तरुण हातात पाटी घेऊन उभा आहे. या पाटीवर त्याने तरुण मुलांसाठी एक संदेश लिहिला आहे. तरुणाने पाटीवर लिहिलेय, “मित्रा, यावर्षी तरी तिच्या इच्छा पूर्ण करण्याऐवजी तुझ्या इच्छा पूर्ण करण्यावर लक्ष दे” तरुणाने नवीन वर्षानिमित्त तरुण मुलांना हा संदेश दिला आहे. या व्हायरल व्हिडीओत तुम्हाला दिसेल की काही तरुण त्याच्या या पाटीचा फोटो काढताना दिसत आहे तर काही तरुण त्याला मिठी मारताना दिसत आहे. अनेक तरुणी हा मेसेज वाचून हसताना दिसत आहे. काही तरुण मंडळी त्याच्या मेसेजला सहमती दर्शवत आहे. अनेकांना तरुणाने दिलेला हा सल्ला आवडला असल्याचे दिसतेय.
पाहा व्हायरल व्हिडीओ (Watch Viral Video)
it_s_kavi या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “मित्रांनो… यावर्षीचा हा सल्ला लक्षात ठेवा…!” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “१०० टक्के खरं आहे” तर एका युजरने लिहिलेय, “पटलंय भावा” आणखी एका युजरने लिहिलेय, “खूप चांगला सल्ला दिला आहे.”
© IE Online Media Services (P) Ltd