देवपूजा करताना घडली एक चूक अन् क्षणात झालं होत्याचं नव्हतं! संपूर्ण घर आगीत जळून खाक; घटनेचा भयानक VIDEO VIRAL

देवपूजा करताना देवासमोर दिवा लावला जातो. अनेक जण घरात अगरबत्ती, धूप लावतात. पण, यावेळी धूपातील आगीचे कण घरात तर कुठे उडत नाहीत ना हे पाहावे लागते. कारण यातील आगीच्या एका ठिणगीनेही भीषण घटना घडू शकते. पुण्यात अशाप्रकारे एका घरात देवासमोर धूप लावताना एक चूक झाली आणि ज्यात संपूर्ण घर जळून खाक झालं, नेमकं काय घडलं जाणून घेऊ…

व्हायरल होणाऱ्या व्हिडीओत तुम्ही पाहू शकता की, एका इमारतीमधील घरात भीषण आग लागल्याचे दिसतेय. यावेळी काही लोक खिडकीबाहेर उभं राहून या आगीच्या घटनेचा व्हिडीओ शूट करतायत तर काही जण ही आग विझवण्यासाठी प्रयत्न करताना दिसतायत. या घटनेत पुढे काय घडलं हे सांगता येत नसलं तरी यात घराचं मोठं नुकसान झाल्याचं दिसतंय. ही आगीची घटना भीषण होती, मात्र ही आग नेमकी कशामुळे लागली याचं कारणही तितकंच धक्कादायक होतं. ही आग देवपूजा करताना पेटतं धूप गादीवर पडल्याने लागल्याचं सांगितलं जातंय. यानंतर काही क्षणात या आगीने मोठा पेट घेतला, ज्यामुळे संपूर्ण घर आगीच्या भक्षस्थानी पडलं.

या भीषण आगीच्या घटनेचा व्हिडीओ @SandipKapde नावाच्या अकाउंटवरून पोस्ट करण्यात आला आहे, ज्याच्या कॅप्शनमध्ये लिहिले की, पुण्यात धूप गादीवर पडलं अन् उडाला भडका, असे लिहिले आहे. हा व्हिडीओ सध्या सोशल मीडियावर खूप व्हायरल होतोय. दरम्यान, हा व्हिडीओ पाहून तरी लोकांनी देवपूजा करताना थोडी सावधगिरी बाळगा असे आवाहन केले जात आहे.