पुणेरी शैलीत टोला लगावणाऱ्या पुणेरी पाटी जगभर प्रसिद्ध आहेत. पुणेकरांना स्पष्टवक्तेपणासाठी ओळखले जाते. हाच स्पष्टवक्तपणा पुणरी पाटीमध्येही पाहायला मिळतो. पुणेकरांना कोणतीही गोष्ट पटली नाही तर इतरांना समजावायला जात नाही ते फक्त पुणेरी पाटी लावतात. पुणेरी पाटीमुळे खोचक शब्दात समोरच्याला मुद्दा कळतो आणि टोलाही लगावला जातो. अनेकदा पुण्यात नो पार्किंग करणार्‍यांना, वाहतूक नियमांचे उल्लंघन करणाऱ्या टोला लगावणाऱ्या पुणेरी पाट्या पाहायला मिळतात. अशीच एक पुणेरी पाटी सध्या चर्चेत आली आहे.
पुणेरी पाटी चर्चेत
पुण्यात अनेकदा बेशिस्त वाहनचालक भेटतात जे सर्रासपणे वाहतूक नियमांचे उल्लंघन करतात. कधी नो पार्किंगमध्ये गाडी पार्क करतात, कधी पदपथावरून तर कधी सायकल ट्रॅकवरून गाड्या चालवतात, कधी चुकीच्या दिशेने गाडी चालवतात तर कधी विनाकारण हॉर्न वाजवत बसतात. अशा बेशिस्त वाहनचालकांमुळे अनेकांना त्रास होतो. लोकांना सतत इतकी घाई असते की सिग्नल थांबवल्यावरही विनाकारण हॉर्न वाजवत असतात.
हॉर्न वाजवणाऱ्या पुणेरी काकांचा टोला
सतत हॉर्न वाजवून त्रास देणाऱ्या वाहनचालकांना पुण्यातील एक रिक्षाचालक काका चांगलेच वैतागले आहेत. या बेशिस्त लोकांना बंदोबस्त करण्यासाठी वैतागलेल्या पुणेरी काकांनी थेट रिक्षामागे पाटी लावली आहे ज्यावर लिहिले की, “हॉर्नचा वापर कमी करा, इथे कोणी मुक्कामी आले नाही.” जेणेकरून रिक्षाच्या मागे जे कोणती गाडी असेल ते ही पाटी वाचून उगाच हॉर्न वाजवणार नाही.
व्हिडीओ इंस्टाग्रामवर puneri_explorer नावाच्या पेजवर पोस्ट केला आहे आणि सध्या व्हायरल होत आहे. व्हिडीओ शेअर करताना कॅप्शनमध्ये लिहिले की, पुण्यातील रिक्षावाले काका वैतागले आहेत सारखा हॉर्न मारणाऱ्या लोकांवर”
पाहा व्हायरल व्हिडीओ
हेही वाचा – “एक चूक अन् खेळ खल्लास!” स्विमिंग पुलमध्ये तरुणाची नको ती स्टंटबाजी, Viral Video पाहून अंगावर येईल काटा
व्हिडीओवर कमेंट करत अनेकांनी प्रतिक्रिया दिल्या आहेत. एकाने लिहिले की, “खरच आहे हे कारण लोक सिग्नलला थांबले तरी हॉर्न वाजवतात.”
