Pune viral video: पुणे शहर म्हंटलं की हल्ली वाहतूक नियमांचं उल्लंघन करण्याची जणू स्पर्धा सुरू असल्यासारखी परिस्थिती आहे. पुढच्यान नियम मोडला की मागच्यानेही नियम मोडायचा आणि मग एका मागोमाग एक असे बरेच पुणेकर नियम मोडण्याचा तोच कित्ता गिरवतात. वाहतूक पोलिसांनी वाहन पकडल्यावर अथवा कारवाई केल्यावर अनेकदा पोलीस आणि वाहनचालक यांच्यात वाद होतात. त्यातच अशात सरकारने वाहतूक दंड बऱ्याच प्रमाणात वाढवल्याने असे होणारे वाद आणखीच वाढले आहे. ‘नो पार्किंग’मधील दुचाकी चालकासमोर उचलून टोइंगचे बेकायदा शुल्क उकळणे तसेच गाडी उचलणाऱ्या तरुणांची अरेरावी अशा तक्रारी वाहतूक पोलिसांविरोधात वाढत आहेत.अशातच एक व्हिडीओ सध्या समोर आला आहे. ज्यामध्ये पुण्यात एका काकांची नो पार्किंगमधली स्कूटी उचलल्यानंतर त्या काकांनी काय केलं पाहा. हा व्हिडीओ पाहून तुम्हीही म्हणाल, “पुणेकरांचा नाद कुणीच करु शकत नाही”
शहरातील व्यापारी पेठांमध्ये वाहनांच्या पार्किंगच्या जागी व्यावसायिकांचे अतिक्रमण झाले आहे. त्यामुळे कामानिमित्त काही वेळासाठी दुचाकीस्वार रस्त्याच्या कडेला वाहनाची पार्किंग करतो. या काही मिनिटांच्या अवधीतच वाहतूक पोलिसांचा टेम्पो येऊन दुचाकी घेऊन जातो. त्यातच रस्त्यावर उभी असलेली वाहने उचलेगिरी करणारे रोजंदारी कामगार वाहनचालकांशी दादागिरी करतात. हा प्रकार अनेकांच्या बाबतीत दररोज घडताना दिसतो. वाहनांची उचलेगिरी करतानाही काही नियम आहेत. परंतु या नियमांची पायमल्ली होताना दिसते.शहरातील बाजारपेठांमधील रस्त्यावर अतिक्रमण वाढले आहे. काही बाजारपेठ परिसरात पार्किंगची व्यवस्था नाही. काही ठिकाणी दुचाकी पार्किंगची व्यवस्था आहे. पण दोन-पाच मिनिटांच्या कामासाठी दुचाकीस्वाराला १० रुपये देणे परवडणारे नाही. रस्त्यालगत असलेल्या वाहनांच्या पार्किंगच्या जागेत व्यावसायिक बसलेले असतात. त्यामुळे नाईलाजास्तव रस्त्यावर वाहन पार्क केले जाते. वाहतूक पोलीस विभागाने महसूल गोळा करण्याच्या नावाखाली शहरातील वाहने उचलण्याची मोहीमच राबविली आहे. अशाच एका पुणेकराची बाईक वाहतूक पोलिसांनी उचलली यावेळ वैतागलेल्या पुणेकरानं काय केलं पाहा.
पुणेकर त्यांच्या वैशिष्टपूर्ण तिरकस स्वभावासाठी नेहमी ओळखले जातात.‘तुम्हाला प्रत्येक विषयात स्वत:चे मत नसेल तर येथे प्रवेश नाही’ अशा इशार्‍यापासून ते ‘पगडीखालची खरी बुद्धिमत्ता काय असते हे पाहायचंय?’ असे आव्हान फक्त एकाच शहरात दिले जाऊ शकते, ते म्हणजे पुणे. कमीत कमी शब्दांत समोरच्याचा जास्तीत जास्त अपमान करण्याची कला पुणेकरांनाच साधली आहे, असे म्हणतात.या व्हिडीओमध्ये तुम्ही पाहू शकता, पुण्यात एका काकांची नो पार्किंगमधली बाईक उचलल्यानंतर हे काका थेट त्या गाडीवर चढले आणि गाडी द्या नाहीतर खाली उतरणार नाही अशी धमकी देऊ लागले. यावर पोलिसांनी त्यांना गाडीसकट उचललं आहे. या व्हिडीओमध्ये तुम्ही पाहू शकता, गाडीसकट हे काका लटकताना दिसत आहे.
पाहा व्हिडीओ
भारतात ड्रायव्हिंगचे नियम अतिशय कडक आहे. रस्त्यावरील अपघात टाळण्यासाठी नियम मोडल्यावर भरावी लागणारी दंडाची रक्कमही पूर्वीपेक्षा वाढवण्यात आली आहे. तरीही काहीजण वाहतुकीचे नियम मोडतात.
© IE Online Media Services (P) Ltd