Pune Video : पुण्यात गेल्या काही दिवसांपासून पाऊस सुरू आहे. अनेक ठिकाणी पावसामुळे नागरिकांचे नुकसान होत आहे. पुणेकरांना पावसाचा त्रास सहन करावा लागत आहे तर अनेक ठिकाणी वाहतूक व्यवस्था विस्कळीत झाली आहे. पुण्यातील पाऊस नेहमी चर्चेचा विषय ठरतो. सोशल मीडियावर पुण्यातील पावसाचे असे अनेक व्हिडीओ व्हायरल होत आहे. सध्या एक असाच व्हिडीओ समोर आला आहे. या व्हिडीओमध्ये भर रस्त्यात एक महिला मुसळधार पावसात कारमध्ये अडकलेली दिसत आहे. विमाननगर परिसरातील हा व्हिडीओ आहे. व्हिडीओ पाहून तुम्हालाही धक्का बसेल. सध्या हा व्हिडीओ सोशल मीडियावर तुफान व्हायरल होत आहे.
या व्हायरल व्हिडीओमध्ये तुम्हाला दिसेल की एक महिला भर पावसात कारमध्ये बसलेली आहे आणि ती कारच्या बाहेर पडण्याचा प्रयत्न करत आहे पण कारच्या अवतीभोवती गुडघाभर पाणी असल्यामुळे ती बाहेर पडू शकत नाही तेव्हा ती मदत मागताना दिसते. तेव्हा दोन पोलीस तिथे येतात आणि त्या महिलेला बाहेर काढतात. हा व्हिडीओ विमाननगर येथील आहे जो सध्या सोशल मीडियावर तुफान व्हायरल होत आहे. व्हिडीओमध्ये मदत करणाऱ्या पोलिसांचे सोशल मीडियावर कौतुक केले जात आहे. पुण्यात गेल्या काही दिवसांपासून जोरदार पाऊस आहे. अनेक ठिकाणी गुडघाभर पाणी साचले आहेत.
पाहा व्हायरल व्हिडीओ
हेही वाचा : Video : “देवेंद्र फडणवीस म्हणाले मी पुन्हा येईन…” नवरदेवाने घेतला भन्नाट उखाणा, व्हिडीओ पाहून पोट धरून हसाल
punekarnews या एक्स अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “एक महिला चालक विमाननगर येथे एका कठीण परिस्थितीत दिसून आली. ती कारमधून बाहेर पडण्याचा प्रयत्न करत होती. तेव्हा पुणे शहर वाहतूक विभागाने लगेच मदत केली आणि तिला व्यवस्थितपणे बाहेर काढण्यात आले”
या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “ज्या अधिकाऱ्यांनी मदत केली त्यांचे खरंच आभार” तर एका युजरने लिहिलेय,”हे खूप धोकादायक आहे. गुडघ्यापर्यंत पाणी होते. ती चालत का गेली नाही” आणि एका युजरने लिहिलेय, “निसर्गाशी जीवघेणा खेळ, विकासाची ऐसी की तैसी” अनेक युजर्स सुरक्षा रक्षकांचे आभार मानले आहेत.
