Pune Viral Video : पुणे शहराला महाराष्ट्राची सांस्कृतिक राजधानी म्हणून ओळखले जाते. या शहराचा इतिहास खूप मोठा आहे. विद्येचे माहेरघर असलेले पुणे फक्त शिक्षणासाठी नव्हे तर याशिवाय ऐतिहासिक वास्तु व प्राचीन मंदिरांसाठी ओळखले जाते. शहराजवळचे गडकिल्ले व नैसर्गिक सौंदर्यामुळे या शहराच्या सुंदरतेत आणखी भर पडते. दरदिवशी हजारो लोक पुणे दर्शनासाठी येतात. (Pune Sarasbaug’s viral video : Stunning Beauty of sarasbaug – pune famous place)
पुण्यातील काही खास ठिकाणी आवर्जून भेट देतात. शनिवारवाडा, लाल महाल, दगडूशेठ हलवाई गणपती मंदिर, सिंहगड, खडकवासला धरण, आगाखान पॅलेस, सारसबाग इत्यादी. सोशल मीडियावर सुद्धा या ठिकाणचे अनेक सुंदर व्हिडीओ व्हायरल होत असतात. सध्या सारसबागचा असाच एक व्हिडीओ समोर आला आहे. या व्हिडीओमध्ये सारसबागचा सुंदर परिसर दाखवला आहे. सध्या हा व्हिडीओ तुफान व्हायरल होत आहे.
हेही वाचा : “आयुष्य एवढं सहज मिळतं का?” रीलसाठी तरुणानं धावत्या बाईकवर काय केलं पाहा; VIDEO पाहून संतापले लोक
सारसबागचं सौंदर्य
या व्हायरल व्हिडीओमध्ये तुम्हाला सारसबागचा सुंदर परिसर दिसेल. सारसबाग येथील हिरवी बाग, ठीक ठिकाणी पाण्याचे कारंजे दिसतील. सुंदर तलाव दिसेल. एक छोटा झरा दिसेल. त्यानंतर पुढे व्हिडीओत सारसबागचा गणपती दाखवला आहे. सारसबागचा गणपती अतिशय सुंदर असून मंदिराच्या आजुबाजूचा परिसर देखील तितकाच मनमोहक आहे. सारसबागमध्ये अनेक ठिकाणी लोकांसाठी बसण्याची व्यवस्था केली आहे. सारसबागची भेळ सुद्धा अतिशय लोकप्रिय आहे. लोक आवर्जून येथील भेळ खायला येतात.
पाहा व्हायरल व्हिडीओ (Viral Video)
whatsinpune या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “सारसबाग- पुण्यातील सुंदर अशी जागा आहे. तुम्हाला शांत अशा ठिकाणाचा आनंद घ्यायचा असेल, ऐतिहासिक गणपती मंदिरात जायचे असेल किंवा हिरव्यागार वातावरणाचा आनंद घ्यायचा असेल तर ही सुंदर सारसबाग तुम्हाला शहराच्या गर्दीतून मोकळा श्वास घेण्यास मदत करते.”
या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “खूपच सुंदर आहे” तर एका युजरने लिहिलेय, “मी नेहमी सारसबागेत जातो.” काही युजर्सनी या व्हिडीओवर हार्टचे इमोजी शेअर केले आहेत.
