Pune Video : पुणे हे एक ऐतिहासिक शहर असून येथील ऐतिहासिक वास्तू, प्राचीन मंदिरे, गडकिल्ले, शिक्षण, संस्कृती या शहराची ओळख आहे. दरदिवशी हजारो लोक पुणे दर्शनाला येतात. येथील काही लोकप्रिय ठिकाणे जसे की दगडूशेठ मंदिर, लाल महाल, शनिवारवाडा, सिंहगड, इत्यादी ठिकाणांना भेट देतात पण पुण्यात आणि पुण्याजवळ असे अनेक ठिकाणे आहेत, ज्याशिवाय अनेकांना माहिती नाही. तुम्ही कधी निसर्गाच्या सानिध्यात असलेलं व पुण्यापासून अगदी जवळ असलेलं काशी विश्वनाथाचं मंदिर पाहिलं आहे का? सध्या एक व्हिडीओ व्हायरल होत आहे. या व्हिडीओमध्ये या सुंदर मंदिराविषयी माहिती सांगितली आहे. (Pune Video do you see kashi Vishwanath mandir 25 km away from pune video goes viral on social media)
या व्हायरल व्हिडीओमध्ये तुम्हाला एक सुंदर मंदिर दिसेल. हे मंदिर निसर्गाच्या सानिध्यात वसलेलं आहे. हे मंदिर पुण्यापासून अगदी २५ किमी अंतरावर स्थित आहे. हे महादेवाचं मंदिर बघण्यासाठी दुरुवरून लोक येतात. येथील पिंडीचा आकार काशी विश्वनाथाच्या पिडींच्या आकारासारखाच आहे. म्हणून या मंदिराला काशी विश्वनाथाचं मंदिर असं म्हणतात.
व्हिडीओत दाखवल्याप्रमाणे – मंदिराचे बांधकाम अतिशय जुने असून मंदिराची रचना प्राचीन मंदिराप्रमाणे आहे. मंदिराच्या दरवाज्यातून प्रवेश केल्यानंतर तुम्हाला समोरच नंदीचे दर्शन होईल. मंदिराचा कळस उंच आणि आकर्षक आहे. मंदिराच्या परिसरात सुंदर तुळस आहे. मंदिराच्या आत काळ्या दगडात कोरलेली महादेवाची पिंड आहे. येथे तुम्हाल हनुमानाची मुर्ती सुद्धा दिसेल. मंदिराचा परिसर अतिशय विलोभनीय आहे.
पाहा व्हायरल व्हिडीओ (Watch Viral Video)
pune_trending_ या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओवर कॅप्शनमध्ये लिहिलेय, “पुण्यापासून फक्त २५ किमीवर काशी विश्वनाथाचं मंदिर.. निसर्गाच्या सानिध्यात आणि मन प्रसन्न करणारं वातावरण” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “पुणे सासवड जवळ हिवरे गावात हे सुंदर मंदिर आहे” तर एका युजरने लिहिलेय, “आम्ही गेलो आहोत. खूप सुंदर मंदिर आहे”
