Pune Video : पुणे हे विविधतेने नटलेले शहर आहे. पुण्याला महाराष्ट्राची सांस्कृतिक राजधानी सुद्धा संबोधले जाते. शिक्षणाचे माहेर घर व ऐतिहासिक शहर म्हणून या शहराची एक वेगळी ओळख आहे. येथील ऐतिहासिक वास्तु, प्राचीन मंदिरे, गडकिल्ले, पुणेरी पाट्यांचे अनेक व्हिडीओ सोशल मीडियावर व्हायरल होतात. पुण्यातील रस्ते, खाद्यसंस्कृती एवढंच काय तर पुणेरी माणसं सुद्धा चर्चेचा विषय ठरतात.
तुम्हाला कधी प्रश्न पडला का की ५० वर्षापूर्वीचे पुणे कसे होते? सध्या एक व्हिडीओ व्हायरल होत आहे. या व्हिडीओमध्ये तब्बल ५४ वर्षांपूर्वीचे पुणे दाखवले आहे. हा व्हिडीओ पाहून तुम्हीही थक्क व्हाल. (Viral Video: Pune in the 1970s – A Glimpse of the City 54 Years Ago)
या व्हायरल व्हिडीओमध्ये तुम्हाला १९७० सालचे पुणे दाखवले आहे. जुने पुणे कसे होते, हे तुम्हाला या व्हिडीओमध्ये दिसून येईल. या व्हिडीओमध्ये पुण्यातील रस्ते, जुन्या इमारती-घरे, दुकाने, वाहने, बाग, बैलगाडी, बसेस , शाळा आणि एवढंच काय तर पुणेरी माणसं सुद्धा दाखवली आहे. पुण्याचा हिरवागार परिसर पाहून तुम्हीही थक्क व्हाल. विशेष म्हणजे त्या काळी भरपूर पुणेकरांकडे सायकल होत्या. या व्हिडीओवर लिहिलेय, “१९७० सालचे पुण्यातील रस्ते आणि माणसं. तुम्ही पुण्यात किती साली आलात?”
पाहा व्हायरल व्हिडीओ
welovepune_official या इन्स्टाग्राम अकाउंटवरून हा व्हि१डीओ शेअर करण्यात आला असून या व्हिडीओच्या कॅप्शनमध्ये लिहिलेय, “पुण्यातील रस्ते आणि माणसं पण,५४ वर्षापूर्वीची..”
या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “गेले ते दिवस राहिल्या त्या आठवणी” तर एका युजरने लिहिलेय, “१९७० मध्ये पुणे इथे घोडागाडी म्हणजे टांगाचे शहर म्हणून बोलले जात होते” आणखी एका युजरने लिहिलेय, “महाराजांच्या काळा पासून इथेच आहोत आम्ही.” एक युजर लिहितो, “व्हिडीओमधुन सर्व काही बदलले असेल, पण सकाळी बेंचवर बसून वर्तमानपत्र वाचणारे काका अजूनही तसेच आहेत” तर एक युजर लिहितो, ” जन्म, माज, गर्व.. सगळं पुण्यातलच आहे आमचं आम्ही नाय आलो कुठून घर दार सोडून”
