Video : पुण्यात नेमकं चाललंय तरी काय! मद्यधुंद महिलेनी केला भर चौकात राडा

पुण्यात मद्यधुंद महिलेनी केला भर चौकात राडा

या व्हायरल व्हिडीओमध्ये तुम्हाला एक महिला दिसेल जिने मद्यपान केलेले आहेत आणि रस्त्यावर बसून आरडाओरडा करताना दिसत आहे. तिला पाहून काही लोक जमलेले दिसत आहे तर काही लोक व्हिडीओ रेकॉर्ड करताना दिसत आहे.हा व्हायरल व्हिडीओ पुण्यातील वानवडी येथील जगताप चौकातील आहे. एका महिलेने मद्यधुंद अवस्थेत शनिवारी मध्यरात्री धिंगाणा घातल्याचे दिसून येत आहे. गेल्या काही दिवसांमध्ये अशी अनेक प्रकरणे समोर आलेली आहे.

मद्य प्राशन करत महिलेने असभ्यवर्तन केल्याचे सांगत प्रत्यक्षदर्शीकडून पुण्यातील वानवडी पोलीस स्टेशनमध्ये तक्रार दाखल करण्यात आली आहे. प्रत्यक्षदर्शींनी दिलेल्या माहितीनुसार, सदर महिला सार्वजनिक ठिकाणी असभ्य वर्तन करत होती. यामुळे रस्त्यावर गर्दी जमल्याने वाहतुकीस अडथळा निर्माण झाला होता. परिस्थिती नियंत्रणात आणण्यासाठी स्थानिक नागरिकांनी पोलिसांना माहिती दिली. सध्या या घटनेचा व्हिडीओ सर्वत्र व्हायरल झाला आहे.

पाहा व्हायरल व्हिडीओ (Watch Viral Video)

काही दिवसांपूर्वी नाशिकमधून असाच एक व्हिडीओ व्हायरल झाला होता. मद्यधुंद तरुणीला पोलिसांनी अडवल्यानंतर तिने भररस्त्यात राडा केला होता. पोलिसांशी हुज्जत घालणाऱ्या या तरुणीचा व्हिडीओची सोशल मीडियावर चर्चा रंगली होती. या मद्यधुंद तरुणीला पोलि‍सांनी अडवल्यानंतर त्यांच्याशी वाद घालताना दिसली होती. यापूर्वी सुद्धा असे अनेक व्हिडीओ समोर आलेले आहेत.