Pune Viral Video : पुण्यातील अनेक व्हिडिओ सोशल मीडियावर व्हायरल होत असतात काही व्हिडिओ मजेशीर असतात तर काही व्हिडिओ थक्क करणारे असतात. पुणेरी पाट्या, पुणेरी गोष्टी एवढेच काय तर पुणेरी लोकांचे सुद्धा अनेक व्हिडिओ चर्चेचा विषय ठरतात. पुण्यात ट्रॅफिक हा खूप मोठा विषय आहे. वाहनांचे योग्य व्यवस्थापन करण्यासाठी पुण्याच्या काही भागांमध्ये पीएमटीच्या बससाठी एक विशेष रस्ता (लेन) देण्यात आला आहे आणि या पीएमटीच्या बसेस याच रस्त्यावरूनच येणे जाणे करतात.
सध्या एक असा व्हिडिओ व्हायरल होत आहे की ज्यामध्ये पीएम पीएमटीच्या लेनमध्ये उलट दिशेने लोक येत आहेत आणि बसचालक मात्र त्या नियम मोडणाऱ्या लोकांसाठी बस मागे घेऊन जाताना दिसत आहे. हा व्हिडिओ पाहून तुम्हीही अवाक् व्हाल.

पीएमटीच्या बससमोर बेशिस्त दुचाकी चालकांचा शिरजोर

या व्हायरल व्हिडिओमध्ये तुम्हाला पीएमटीची एक बस दिसेल. या बसचा क्रमांक ३४८ आहे. या बसवर लिहिलेय, “निगडी औंध मार्गे पुणे स्टेशन”. व्हिडिओत तुम्हाला दिसेल की बस त्याच्या लेनमधून जात आहे पण लोक मात्र वाहतुक नियम मोडत या लेनमध्ये शिरले आणि बसच्या विरुद्ध दिशेने येताना दिसतात. समोरून येणाऱ्या दुचाकी पाहून बस मागे जाते. खरं तर पुणेकर लोक नियम मोडत आहे पण तरीसुद्धा पीएमटी बसचालक शांतपणे बस मागे घेऊन जाताना दिसतोय. व्हिडिओ पाहून तुम्हीही म्हणाल, “पुणेकर कधी सुधरणार?”

हेही वाचा : ‘अंगात नाही बळ अन् चिमटा काढून पळ…’ बैलाला लाल कपडा दाखवणं पडलं महागात… VIDEO चा शेवट पाहून अंगावर येईल काटा

पाहा व्हायरल व्हिडीओ (Video Viral)

हेही वाचा : VIDEO: एक चूक महागात पडू शकते! खिडकी उघडून बसमध्ये शिरत होता बिबट्या, तेवढ्यात पर्यटकांनी पाहिलं अन्.., शेवट एकदा पाहाच

welovepune_official या इन्स्टाग्राम अकाउंट वरून हा व्हिडिओ शेअर करण्यात आला असून या व्हिडिओच्या कॅप्शनमध्ये लिहिलेय, “पुणे तिथे काय उणे” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, ” रस्ते कितीही मोठे करा जोपर्यंत लेनचे नियम स्ट्रीक होणार नाही, रस्ते कमीच पडणार” तर एका युजरने लिहिलेय, “बस वाल्याची चूक नाही,टू व्हीलरवाले चुकीच्या लेनमध्ये घुसलेत.” आणखी काही युजरने लिहिलेय, “लाज वाटली पाहिजे, अभिमान कसला बाळगत आहात.” अनेक युजर्सनी संताप व्यक्त केला आहे