Puneri poster viral: सोशल मीडिया हे माहितीचं भांडार आहे. इथे अशा काही गोष्टी पाहायला किंवा ऐकायला मिळतात की, कधी कधी त्यामुळे धक्काच बसतो, तर कधी कधी इथे मीम मटेरीयलदेखील व्हायरल होतं; ज्याला कधी लोक डोक्यावर घेतात, तर कधी ट्रोल करतात. तसेच हल्ली ज्या पाट्या आपण पुण्यात पाहतो, त्याच पाट्या सगळीकडे पाहायला मिळतात. अशीच एक पाटी घेऊन तरुण भरचौकात उभा आहे. ही पाटी सध्या सोशल मीडियावर व्हायरल होत असून, ती पाहून तुम्हीही पोट धरून हसाल. पुणेकर त्यांच्या वैशिष्ट्यपूर्ण तिरकस स्वभावासाठी नेहमी ओळखले जातात. त्यात पुणेकरांच्या पुणेरी पाट्या या नेहमी चर्चेच्या विषय ठरतात. पुणेरी किस्से आणि पुणेरी पाट्या जगजाहीर आहेत. अशाच एका पुणेरी पाटीची चर्चा सध्या सगळीकडे जोरात सुरू आहे. मात्र, ही पाटी पुण्यातली नसली तरी यावर लिहिलेला आशय हा नक्कीच पुणेकरानं लिहिला असावा, असं म्हणाल.
“पाऊस आणि बायको फक्त सुरुवातीलाच…”
अनेक वेळा आपण पाहतो की, अशा पाट्या वरचेवर व्हायरल होत असतात. त्यावर लिहिलेला आशय वाचून अनेकदा हसू आवरत नाही. अशीच पाटी पुन्हा एकदा व्हायरल होत आहे. ही पाटी पाहून रस्त्यावर येणारे जाणारे लोक पाटी पाहून थांबत आहेत. इतकंच नाही तर तिथे उपस्थित असलेले पुरुष आणि एक पोलीसही तरुणानं धरलेल्या पोस्टरकडे बघत राहिले. तर काही लोक हे पोस्टर वाचून हसताना दिसत आहेत. आता तुम्ही म्हणाल असं काय लिहिलं आहे या पोस्टरवर? तर या पाटीवर “पाऊस आणि बायको सुरुवातीलाच चांगले वाटतात. त्यानंतर नुसती कीच कीच कीच” असा मनोरंजनात्मक आशय लिहिला आहे.
पुणेरी स्टाईल पाटी व्हायरल
पुणेरी पाट्या या अनेकदा चर्चेचा विषय बनतात. कधी वाद तयार करतात, तर कधी वादावर भाष्य करतात. कधी चांगला संदेश देतात, तर कधी चांगलाच संदेश पोहोचवतात. अशीच एक पुणेरी पाटी पुन्हा एकदा चर्चेत आली आहे. व्यक्त न होता आपली मतं ठामपणे आणि थेट मांडण्याचं पुणेकरांचं माध्यम म्हणजे पुणेरी पाटी. या पुणेरी पाटीचा वापर आता पुण्याबाहेरचे लोकही करायला लागले आहेत.
पाहा पाटी
हेही वाचा >> चक्क चोरांनी दाखवली माणुसकी; मुलगा रडायला लागताच चोरीचं सामान केलं परत, VIDEO पाहून पोट धरुन हसाल
हा व्हिडीओ poppervishalofficial नावाच्या इन्स्टाग्राम अकाऊंटवरून शेअर करण्यात आला आहे. दरम्यान, या व्हिडीओमुळे तो ट्रोलही झाला आहे. अनाबिया अन्सारी नावाच्या महिलेनं विशालला चांगलंच सुनावलं आहे. कमेंटमध्ये तिनं म्हटलं, “पाऊस आणि पत्नी या दोघांशिवाय तुम्हाला वंध्यत्व येईल.”
