Puneri pati viral: पुणेकर त्यांच्या वैशिष्टपूर्ण तिरकस स्वभावासाठी नेहमी ओळखले जातात.‘तुम्हाला प्रत्येक विषयात स्वत:चे मत नसेल तर येथे प्रवेश नाही’ अशा इशार्‍यापासून ते ‘पगडीखालची खरी बुद्धिमत्ता काय असते हे पाहायचंय?’ असे आव्हान फक्त एकाच शहरात दिले जाऊ शकते, ते म्हणजे पुणे. कमीत कमी शब्दांत समोरच्याचा जास्तीत जास्त अपमान करण्याची कला पुणेकरांनाच साधली आहे, असे म्हणतात. त्यात पुणेकरांच्या पुणेरी पाट्या ह्या नेहमी चर्चेच्या विषय ठरतात. पुणेरी किस्से आणि पुणेरी पाट्या जगजाहीर आहेत. अशाच एका पुणेरी पाटीची चर्चा सध्या सगळीकडे जोरात सुरू आहे. कुणाच्याही नादाला लागा पण पुणेकरांच्या नादाला लागू नका असं म्हंटलं जातं. याचीच प्रचिती देणारी एक पुणेरी पाटी सध्या सोशल मीडियावर व्हायरल झाली आहे.
पुणेकरांचा स्पष्टवक्तेपणा आणि थेट भिडण्याची वृत्ती झळकते. आपण अनेकदा पाहिलं असेल खास करुन पुण्यात घराबाहेर वेगवेगळ्या पाट्या लावलेल्या असतात, अशीच एक पाटी पुण्यात एका घराबाहेर लावली होती. या पाटीवर गेटसमोर गाडी उभी करणाऱ्यांना थेट धमकी दिली आहे. गाडी नो पार्किंगमध्ये लागली, की ती ‘टो’ होण्याची भीती असतेच. पण आपल्याकडे अनेकजण या भीतीच्या पलिकडे गेले आहेत. वारंवार सांगूनही बेशिस्तपणे गाड्या पार्क करण्याचे प्रताप आपल्या आजूबाजूला होताना सहज दिसतील. त्यासाठी फार शोधाशोध करण्याची गरज नाही. बेशिस्त पार्किंग करणाऱ्यांना आवरण्यासाठी काहीतरी करायला तर हवं! फक्त गाडी ‘टो’ करुन, दंडांच्या पावत्या फाडून बेशिस्त पार्किग करणारे ताळावर येण्याची शक्यता कधीचीच संपुष्टात आली आहे. अशावेळी काहीतरी नवं करण्याची गरज आहे. हेच या पुणेकरांनी केलं.
काय लिहलंय पाटीवर ?
आता तुम्ही म्हणाल असं लिहलंय तरी काय या पाटीवर? तर या पाटीवर थेट गेटसमोर गाडी उभी करणाऱ्यांना धमकीच दिलीय. सुरुवातीला मोठ्या ठळक अक्षरात “बघतोस काय? नो पार्किंग आहे.” असं लिहलं आहे. आता तुम्हीच सांगा एवढा अपमान आणि धमकी दिल्यानंतर कोणी इथे गाडी पार्क करायाचा विचारही करणार नाही. ही पुणेरी पाटी वाचून तुम्हीही पोट धरुन हसाल.
पाहा पुणेरी पाटी
हेही वाचा >> VIDEO: “…तरच आम्ही काम करु” ऑफिसच्या दरवाजावर चिठ्ठी लावत कर्मचाऱ्यांनी बॉसला दिलं चॅलेंज; शेवटी काय झालं पाहा
सोशल मीडियावर हा फोटो सोशल मीडियावर aapalviralpune नावाच्या एक्स अकाऊंटवरुन शेअर करण्यात आला आहे. अशा अनेक पुणेरी पाट्या रोज व्हायरल होत असतात.
