Python Viral Video: साप, विशेषत: अजगर हा जगातील सर्वात प्राणघातक सरपटणारा प्राणी मानला जातो. त्याच्या एका दंशाने व्यक्तीचा काही मिनिटांत जीव जाऊ शकतो. त्यामुळे बहुतेक लोक अशा धोकादायक सरपटणाऱ्या प्राण्यांपासून दूर राहणे पसंत करतात. परंतु, काही लोक त्यांच्याबरोबर अगदी जीवघेणे प्रकार करताना दिसतात. सध्या सोशल मीडियावर एक भला मोठा अजगर आणि एका व्यक्तीचा व्हिडीओ व्हायरल होतोय, जो पाहून तुम्हालाही शॉक बसेल.
महाकाय अजगराला खांद्यावर घेतल अन्…. (Man bathing with python)
सोशल मीडियावर व्हायरल झालेल्या या व्हिडीओत एक व्यक्ती आपल्या खांद्यावर अत्यंत महाकाय अजगराला घेऊन अंघोळ करताना दिसतोय. या अजगराची लांबी २० फुटांपेक्षा जास्त असल्याचे दिसतेय. एका लहानश्या बाथरुममध्ये उभं राहून ती व्यक्ती शॉवरखाली अजगरासह अंघोळ करतेय. ज्या प्राण्याला पाहून भले भले घाबरतात, त्याच प्राण्यासह ती व्यक्ती सहजपणे वावरतेय. अंघोळ करताना अजगराचे तोंड त्या व्यक्तीच्या चेहऱ्यापर्यंत जाते, पण तरीही त्याला कसलीही भीती वाटत नाही, हे खरोखरच अतिशय भीतीदायक असे दृश्य आहे. हा व्हिडीओ पाहिल्यानंतर काहींच्या हृदयाचे ठोके वाढल्याशिवाय राहणार नाहीत, विशेषत: ते लोक घाबरतील, जे अजगराचे नाव ऐकताच थरथर कापायला लागतात.
काही सेकंदाच्या या व्हिडीओत, ती व्यक्ती महाकाय अजगराला अगदी सहजपणे हाताळतेय. तो अजगर वजनाला इतका भारी आहे की उचलताना त्याला कष्ट घ्यावे लागतायत. या भल्या मोठ्या अजगराला खांद्यावर घेऊन अंघोळ करणाऱ्या या व्यक्तीच्या चेहऱ्यावर भीतीचे भाव दिसून येते नाही. जणू तो अजगर त्याचा मित्र असल्यासारखं तो त्याला खांद्यावर घेऊन अंघोळ घालत आहे.
हा व्हिडीओ @world_of_snakes नावाच्या इन्स्टाग्राम अकाउंटवरून शेअर करण्यात आलाय. त्यानंतर हा व्हिडीओ सोशल मीडियावर वाऱ्यासारखा पसरू लागला आहे. हा व्हिडीओ पाहिल्यानंतर अनेकांनी त्या व्यक्तीच्या अजगराबरोबरच्या धोकादायक स्टंटबाजीवर चिंता व्यक्त करत विविध प्रतिक्रिया दिल्या आहेत.
एका युजरने लिहिले की, “किती मजबूत आहे भाऊ, अजगर वजनाला अत्यंत भारी असतात.” दुसऱ्याने लिहिले आहे की, “भीतीदायक व्हिडीओ.” तिसऱ्या युजरने चिंता व्यक्त केली की, “हा वेडा कोण आहे.” शेवटी एकाने लिहिले की, “हे दृश्य भयानक दिसत आहे.”
