देव चोरला माझा देव चोरला! रतन टाटांचा फोटो देव्हाऱ्यात ठेवून तरुण झाला नतमस्तक; VIDEO पाहून सर्वांचेच डोळे पाणावले

उद्योग क्षेत्रातील उद्योगपतींसाठी तर रतन टाटा हे आदर्श होते. केवळ एक उद्योगपती म्हणूनच नव्हे, तर त्यांची साधी राहणी, परोपकारी व दानशूर वृत्ती यांमुळे रतन टाटा अनेकांसाठी आदर्श व प्रेरणास्थान झाले होते. त्यामुळे रतन टाटा यांच्या निधनानंतर राजकीय, सामाजिक, उद्योग, कला व सामान्य वर्ग अशा सर्वच स्तरांतून शोकाकुल प्रतिक्रिया उमटत आहेत. दरम्यान, रतन टाटांना देवासमान मानणाऱ्या एका तरुणानं रतन टाटा यांचा फोटो आपल्या घरातल्या देव्हाऱ्यात ठेवलाय. त्याबाबतचा व्हिडीओ सध्या सोशल मीडियावर व्हायरल होत असून, हा व्हिडीओ पाहून तुमच्याही डोळ्यांत पाणी येईल.

रतन टाटांना देव्हाऱ्यात स्थान

या व्हिडीओमध्ये तुम्ही पाहू शकता की, हा तरुण त्याच्या घरातील देव्हाऱ्यामध्ये रतन टाटा यांचा फोटो ठेवताना दिसत आहे. आपली देवावर श्रद्धा असते आणि त्यामुळेच त्याची आपण रोज पूजा करतो. तसेच रतन टाटासुद्धा माझ्यासाठी देवच आहेत, अशी भावना या तरुणानं व्यक्त केली आहे. तरुणानं देव्हाऱ्यात इतर देवांच्या मूर्तींशेजारीच रतन टाटा यांचा फोटो ठेवला आणि त्यांना फुलं वाहिली आहेत. त्यानंतर रतन टाटा यांच्या फोटोच्या तो पाया पडला. मागे एका कार्यक्रमादरम्यान “कोणाचेही नुकसान न करणारी, तसेच व्यवसायाला सर्वोच्च प्राधान्य देणारी व्यक्ती म्हणून लोकांनी मला लक्षात ठेवावे,” अशी इच्छा रतन टाटा यांनी बोलून दाखवली होती

पाहा व्हिडीओ

हेही वाचा >> PHOTO: “किती जगला यापेक्षा कसा जगला हे महत्त्वाचे” रतन टाटांनी एका मेसेजमध्ये थांबवली होती महिलेची ट्रोलिंग, पाहा पोस्ट

सोशल मीडियावर हा व्हिडीओ @shreyaan.daga नावाच्या इन्स्टाग्राम अकाउंटवरून शेअर करण्यात आला आहे. त्यावर नेटकरी या तरुणाचं कौतुक करीत असून, रतन टाटांना श्रद्धांजली अर्पण करीत आहेत.