Ratan Tatas Dog Emotional Video : आपण समाजाचं काहीतरी देणं लागतो याची प्रचिती उद्योगपती रतन टाटा यांच्या प्रत्येक कृतीतून येत होती. पण, आज ते आपल्यात नाहीत याचं दु:ख सर्वच जण व्यक्त करीत आहेत. जगात फार कमी लोक असे असतात की, जे स्वत:सह इतरांचा आणि विशेषत: प्राण्यांचा विचार करीत जगतात. रतन टाटा अशाच नि:स्वार्थी लोकांपैकी एक होते. आपल्या प्रत्येक कर्मचाऱ्याप्रति त्यांना प्रेम होते. त्यामुळे त्यांच्या जाण्याची बातमी समजताच टाटा समूहाशी संबंधित अनेक कर्मचाऱ्यांच्या डोळ्यांतून अश्रू वाहताना दिसले. रतन टाटा यांचे पशूप्रेम सर्वांनाच ठाऊक असेल. त्यांनी आजवर लाखो श्वानांना मदत करीत जीवनदान दिले. त्यामुळे त्यांच्या अंत्यदर्शनावेळीही त्यांचे लाडके श्वान तिथे उपस्थित होते. रतन टाटा यांच्या श्वानप्रेमाची प्रचिती देणारा हृदयस्पर्शी व्हिडीओ सध्या सोशल मीडियावर व्हायरल होत आहे. त्यात एका रतन टाटांचा फोटो पाहिल्यानंतर श्वानाने केलेली कृती पाहून अनेक जण भारावून जात आहेत.
रतन टाटांचे श्वानप्रेम कोणापासूनही लपलेले नव्हते. काही वर्षांपूर्वी त्यांनी श्वानांसाठी एक अत्याधुनिक रुग्णालय सुरू केले. इतकेच नाही, तर त्यांनी श्वानांविषयी असलेले प्रेम उघडपणे व्यक्तही केले होते.
आयुष्यात त्यांनी अनेक श्वानांचे संगोपन केले. त्यांच्या संगोपनाखाली वाढलेला एक श्वान त्यांना श्रद्धांजली वाहण्यासाठी पोहोचला तेव्हा त्याला पाहून अनेक जण भावूक झाले. व्हिडीओत तुम्ही पाहू शकता की, टाटा मोटर्स कार मॅन्युफॅक्चरिंग प्लांटमधील शेकडो कर्मचारी रतन टाटांना श्रद्धांजली वाहण्यासाठी उपस्थित होते. यावेळी एक श्वान एका व्यक्तीसह तोंडात फुलांची परडी घेऊन आला आणि टाटांच्या प्रतिमेसमोर जाताच त्याने फुलांची परडी खाली ठेवली. त्यानंतर दुसऱ्या व्यक्तीने ती उचलून रतन टाटांच्या प्रतिमेजवळ ठेवली आणि पाया पडला. त्यानंतर श्वानाने दोन पाय वर करीत प्रतिमेच्या पाया पडला. यावेळी मुक्या प्राण्याचेही टाटांविषयी असलेले प्रेम दिसून आले. यावेळी उपस्थित लोकही हा क्षण पाहून भावूक झाले. कारण- टाटांनी केवळ माणसेच जोडली नाहीत, तर अनेक प्राण्यांनाही त्यांनी आपलेसे केले होते.
“दु:ख ही प्रेमाची किंमत, अलविदा…”; टाटांच्या निधनानंतर त्यांच्या ३० वर्षीय मित्राची भावनिक POST
श्वानाचं रतन टाटांविषयी असलेलं प्रेम, आदर या व्हिडीओतून दिसून येतोय…
अतिशय भावनिक असा हा व्हिडीओ @akashverma0980 नावाच्या इन्स्टाग्राम अकाउंटवरून पोस्ट करण्यात आला आहे. अनेकांनी त्यावर वेगवेगळ्या कमेंट्स केल्या आहेत. काहींनी हा व्हिडीओ पाहून रडायले आले, असे लिहिले आहे; तर काहींनी रतन टाटांना श्रद्धांजली वाहत, त्यांचे कार्य हा देश विसरणार नाही, असे म्हटले. तर, काहींना असा नि:स्वार्थी आणि केवळ समाजाचा विचार करून जगणारा व्यावसायिक माणूस पुन्हा या देशात होणार नाही, असे म्हणत हळहळ व्यक्त केली आहे.
