Ratan Tata: उद्योग क्षेत्रातील सर्वांच मोठे नाव म्हणजे रतन टाटा. हे देशातील सर्वात प्रभावशाली नावांपैकी एक आहे. रतन नवल टाटा यांचे बुधवारी रात्री वयाच्या ८६ व्या वर्षी मुंबईतील रुग्णालयात निधन झाले. रतन टाटा हे त्यांच्या मृदू आणि शांत स्वभावासाठी ओळखल्या जातात. रतन टाटा यांचे जीवन तत्वज्ञान साधेपणा आणि नम्रतेवर आधारित होतं. लहान असे किंवा मोठा त्यांच्यासाठी प्रत्येकजण हा सारखाच असायचा. उद्योगपती, उद्योजक आणि टाटा सन्सचे मानद अध्यक्ष अशा किती तरी अनेक पदव्या त्यांच्या नावावर आहेत. पण त्यापेक्षाही त्यांचा साधेपणा, त्यांचा प्रेमळ स्वभाव आणि अनेक चांगल्या कामांसाठी त्यांना ओळखले जाते. दरम्यान इन्स्टाग्रामवरची एक जुनी पोस्ट आता पुन्हा एकदा व्हायरल होत आहे.
काही दिवसांपूर्वी रतन टाटा यांनी आपला जमीनीवर बसलेला एक फोटो इन्स्टाग्रामवर शेअर केला होता. रतन टाटांचे लहनांपासून मोठ्यांपर्यंत सगळेच चाहते होते त्यामुळे रतना टाटांना सोशल मीडियावरही नेहमीच एक आदर मिळालाय. वाईट कमेंट आणि ट्रोलिंगच्या जमान्यात रतन टाटांच्या पोस्टवर कुणी चुकीची कमेंट करेल असं वाटत नव्हतं. अशातच हा फोटो पाहून एका महिलेनं अभिनंदन छोटू अशा आशयाची प्रतिक्रिया दिली होती. बहुदा टाटांची फिरकी घेण्याच्या उद्देशानं तिनं ती प्रतिक्रिया दिली असावी. पण तिच्या या प्रतिक्रियेमुळे सोशल मीडियावर एकच भडका उडाला होता. सोशल मीडियावर नेटकरी तिला नाही नाही त्या शिव्या घालत ट्रोल करत होते. अशा वेळी एक कॉमेंट करून रतन टाटांनी ट्रोलर्सची बोलती बंद केली होती. ती कॉमेंट आज पुन्हा एकदा व्हायरल होत आहे. चला पाहूया काय म्हणाले होते रतन टाटा?
महिलेला केले जाणारे ट्रोल वाढू देण्याऐवजी, रतन टाटा यांनी स्वत: मध्ये हस्तक्षेप करून उत्तर दिले. रतन टाटा महिलेच्या कमेंटला उत्तर देताना “प्रत्येक व्यक्तीमध्ये एक लहान मुलं लपलेलं असतं. कृपया त्या महिलेचा अनादर करू नका.” अशा आशयाची पोस्ट त्यांनी केली होती. अन् काय सांगता ही कमेंट करताच नेटकऱ्यांनी एका एकी ट्रोलिंग थांबवलं. एवढंच नाहीतर त्यानंतर त्यांनी त्यांच्या स्टोरीला नेटकऱ्यांना “महिलेला ट्रोल करणं थांबवा तिला तिची चूक लक्षात आली आहे आणि ती यापुढे असं करणार नाही” असं मला सांगितलं असल्याचं रतन टाटा यांनी सांगितल. अगदी शेवटपर्यंत रतन टाटा हे नम्र राहिले याचे अनेक कारणांपैकी हे एक कारण आहे.
पाहा पोस्ट
नेटकरीही आता यावर प्रतिक्रिया देत आहेत. एकानं म्हंटलंय, “रतन टाटा तुम्ही ग्रेटच आहात, कितीदा मन जिंकाल” तर आणखी एकानं, “असा व्यक्ती पुन्हा होणे नाही.” अशी प्रतिक्रिया दिली आहे.
