Shocking Video : सोशल मीडियावर अनेक व्हिडीओ व्हायरल होत असतात. कधी मजेशीर व्हिडीओ तर कधी धक्कादायक व्हिडीओ चर्चेत येतात. अपघाताचे तर अनेक नवनवीन व्हिडीओ समोर येतात . काही अपघाताचे व्हिडीओ इतके भयानक असतात की अंगावर काटा येतो. सध्या असाच थरकाप उडवणारा व्हिडीओ समोर आला आहे. या व्हायरल व्हिडीओमध्ये एका महिलेचा भयानक अपघात झाल्याचे दाखवले आहे. रस्त्याच्या शेजारी उभी असलेल्या एका महिलेला भरधाव चार चाकीने उडवल्याची घटना या व्हिडीओमध्ये कैद झाली आहे.
अनेकदा रस्त्याच्या शेजारी आपण वाहनाची वाट पाहत उभे असतो तर कधी रस्ता ओलांडताना रस्त्याच्या शेजारी उभे असतो. पण असे उभे राहताना खूप काळजी घेणे, आवश्यक आहे. कदाचित तुमची एक छोटीशी चूक खूप महागात पडू शकते. कधी ही चूक तुमच्या जीवावर बेतेल, हे सांगता येत नाही या व्हिडीओमध्ये तुम्हाला दिसेल की एका क्षणात या महिलेबरोबर होत्याचे नव्हते झाले.
हेही वाचा : 90S’ च्या गाण्याला कुठेही तोड नाही! तरुणीचा डान्स पाहून येईल माधुरी दीक्षितची आठवण, पाहा व्हायरल व्हिडीओ
हा व्हायरल व्हिडीओ एका रस्त्यावरील आहे. या व्हिडीओत एक महिला रस्त्याच्या शेजारी उभी असते. कदाचित तिला रस्ता ओलांडून जायचे असेल, असा प्राथमिक अंदाज आहे पण वाहने येत असल्यामुळे ती पुढे चालत जायचा विचार करते. व्हिडीओत दाखवल्याप्रमाणे, जशी ही महिला पुढच्या दिशेने वळते तितक्यात मागून एक चारचाकी वाहन येते आणि तिला उडवते. हा धक्कादायक व्हिडीओ पाहून तुम्हालाही घाम फुटेल. सध्या हा अपघाताचा व्हिडीओ चांगलाच व्हायरल होत आहे. शाळेतील मुले अशा घटनांचे मोठ्या प्रमाणात शिकार होतात. त्यांनी विशेष काळजी घेणे गरजेचे आहे. याशिवाय रस्ता ओलांडताना किंवा रस्त्याच्या शेजारी उभे राहताना फोनवर बोलू नका.
GULLUANNY या एक्स अकाउंटवरुन हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “नेहमी सभोवताली पाहा आणि स्वत:ची काळजी घ्या.” या व्हिडीओवर अनेक युजर्सनी प्रतिक्रिया दिल्या आहेत. साडे चार हजार पेक्षा जास्त लोकांनी हा व्हिडीओ पाहिला आहे.
