चीनमध्ये कुत्रा सांगतोय घरी बसा नाही तर करोना होईल, खोटं वाटतंय तर बघा हा Video

चीन मध्ये शांघाय शहरात लॉकडाऊन

चीनमधील सर्वात मोठे शहर आणि आर्थिक महासत्ता असलेल्या शांघायमध्ये लॉकडाऊन लागू करण्यात आला आहे. देशातील कठोर शून्य-कोविड धोरणांतर्गत येथील काही रहिवाशांना त्यांच्या घरात १० दिवस वेगळ्या खोलीत राहावे लागत आहे. बोस्टन डायनॅमिक्स स्पॉटसारखा दिसणारा चार पायांच्या रोबोटचा व्हिडीओ व्हायरल झाला आहे. ज्यामध्ये रोबो कुत्रा डोक्याजवळ मेगाफोन स्पीकर लावून रस्त्यांवर फिरत असल्याचे पाहायला मिळालं आहे.

रोबो डॉग पाहून यूजर्स झाले आश्चर्यचकित

रोबो कुत्र्याचे काम महत्त्वाचे आरोग्यविषयक घोषणा करणे आणि नागरिकांना कोव्हिड प्रोटोकॉलची आठवण करून देणे हे आहे. झुआनचेंग डेलीनुसार, फेस मास्क लावा, वारंवार हात धुवा, आपला शरीराच तापमान नियमित तपासात रहा आणि तुमचं घर निर्जंतुक करा यासारख्या घोषणा रोबो डॉगच्या मागच्या मेगाफोन स्पीकरद्वारे केल्या जातात.

व्हिडीओ पाहून युजर्सना वाटले की हा सायन्स फिक्शन फिल्मचा व्हिडीओ आहे.