Royal Bengal Tiger Enters Inside Farm : वन्य प्राण्यांमध्ये रॉयल बंगाल टायगर सर्वात खतरनाक आणि हिंस्र प्राणी म्हणून ओळखले जातात. जंगलातील कोणताही प्राणी त्यांच्याशी पंगा घेत नाही. पण शिकारीच्या शोधात असल्यावर हे वाघ माणसांवरही भयानक हल्ला करतात. अन्न आणि पाण्याच्या शोधात निघालेले वाघ क्वचितच मानवी वस्तीत किंवा शेतात येतात. पण जर कधी या वाघांचा सामना करण्याची वेळ आली, तर अनेकांच्या अंगावर शहारे आल्याशिवाय राहता नाही. अशाच प्रकारचा थरकाप उडवणारा दोन वाघांचा व्हिडीओ आयएफएस अधिकारी सुसंता नंदा यांनी ट्वीटरवर शेअर केला आहे. शेतकरी शेतात ट्रॅक्टर फिरवत असताना अचानक मोठा वाघ समोर येतो, त्यानंतर जे घडतं ते पाहून तुम्हालाही आश्चर्याचा धक्का बसेल.
वाघ शेतात बिंधास्तपणे फिरत असल्याचं या व्हिडीओत पाहायला मिळत आहे. वाघाच्या बाजूला काही अंतरावर एक शेतकरी ट्रॅक्टरने नांगरणी करत असल्याचं दिसत आहे. शेतकरी या वाघापासून दूर उभा असला तरीही वाघ हल्ला करण्याची शक्यता टाळता येत नाही. पण हा वाघ शांतपणे शेतातून दुसऱ्या जागी निघून जात असल्याचं व्हिडीओत दिसत आहे. हे संपूर्ण थरारक दृष्य कॅमेरात कैद झालं असून व्हिडीओ सोशल मीडियावर तुफान व्हायरल झाला आहे. तसंच दुसरा एक शेतकरी शेतात काम करत असल्याचंही व्हिडीओत दिसत आहे.
इथे पाहा व्हिडीओ
भारतीय वन अधिकारी सुसंता नंदा यांनी हा व्हिडीओ ट्वीटरवर पोस्ट केला आहे. व्हिडीओ शेअर करत कॅप्शनमध्ये म्हटलंय, ट्रॅक्टर्स आणि वाघांचं सहअस्तित्व…हीच ताकद आहे. जेव्हा दुसऱ्या देशातील वाघांच्या संख्येत घट होणार नाही, तेव्हा आपल्या देशात वाघांची संख्या वाढेल. रमेश पांडे यांनी हा व्हिडीओ सर्वात आधी शेअर केला. व्हिडीओ इंटरनेटवर तुफान व्हायरल होत असून यूजर्स या व्हिडीओला वेगवेगळ्या प्रतिक्रिया देत आहेत.
