RSS DP : राष्ट्रीय स्वयंसेवक संघाच्या डीपीमधून भगवा झेंडा गायब; मोहन भागवतांनीही बदलला डीपी

पंतप्रधान नरेंद्र मोदींनी डीपी बदलण्याचं आवाहन केल्यापासून अनेक केंद्रीय मंत्र्यांनी आपला ट्विटर तसेच फेसबुकवरील डीपी बदलला. त्याचबरोबर राज्यामधील अनेक भाजपाच्या नेत्यांनी आपआपल्या सोशल मिडिया अकाऊट्सवरील डीपी बदलत तिरंगा डिपी म्हणून ठेवला. असं सगळं असतानाच विरोधकांकडून मात्र सातत्याने भाजपाची मातृक संस्था असणाऱ्या आरएसएसच्या अधिकृत खात्यांचा डीपी कधी बदलला जाणार असा प्रश्न विचारला जात होता.

आणखी वाचा

रोड-शो दरम्यान भाजपचे झेंडे दाखवणाऱ्यांना प्रियंका गांधी म्हणाल्या, तुम्हाला शुभेच्छा मात्र…

Nana Patole : निकालाआधी राजकीय घडामोडींना वेग; यातच…

डॉ. आ. ह. साळुंखे यांना जीवनगौरव पुरस्कार जाहीर, महाराष्ट्र फाउंडेशनतर्फे शरद जावडेकर यांना समाजकार्य विशेष पुरस्कार

Ajit Pawar: शरद पवारांच्या निवृत्तीबाबत अजित पवारांचं मोठं विधान; भाषणात म्हणाले, “दीड वर्षांनी ते…”!

आरक्षणासाठी ५० टक्के मर्यादा तोडू! नांदेडमधील सभेत राहुल गांधींकडून मोदी लक्ष्य

Sharad Pawar : अजित पवारांचा परतीचा मार्ग मोकळा? शरद पवारांच्या वक्तव्याने सर्वांच्या भुवया उंचावल्या

हडपसर, वडगाव शेरीमध्ये शरद पवारांचा ‘मास्टर स्ट्रोक’!

काही दिवसांपूर्वीच राहुल गांधी यांनीही ट्विटरवरुन हर घर तिरंगा मोहिमेमवरुन संघाला टोला लगावला होता. आत्ता हर घर तिरंगा मोहीम चालवणारे अशा संस्थेचा भाग आङेत ज्यांनी ५२ वर्ष तिरंगा फडकवला नव्हता. काँग्रेस स्वातंत्र्य लढ्यामध्ये उतरली होती तेव्हाही त्यांना आम्हाला रोखता आलं नव्हतं आणि आताही रोखता येणार नाही, अशा अर्थाचं ट्विट राहुल यांनी केलं होतं. याच मुद्द्यावरुन पवन खेरा आणि खासदार जयराम रमेश यांनी मोहन भागवत आणि संघावर टीका केली होती. ज्यांनी ५२ वर्षे तिरंगा फडकवला नाही ते डीपी कसा बदलणार? अशा अर्थाचा खोचक सवाल या दोघांनी संघाला विचारला होता.

नक्की वाचा >> विश्लेषण : ‘हर घर तिरंगा’ मोहीम आहे तरी काय? यामध्ये कसं सहभागी व्हायचं? यात सहभागी झाल्याचं प्रमाणपत्र कसं मिळतं?

याच पार्श्वभूमीवर राष्ट्रीय स्वयंसेवक संघ डीपी बदलणार का याबद्दल उत्सुकता लागून राहिलेली असतानाच आज संघाच्या अधिकृत हॅण्डल्स बरोबरच सरसंघचालक मोहन भागवत यांनीही आपल्या अकाऊंटचा डीपी बदलल्याचं पहायला मिळालं.

पीटीआयने राष्ट्रीय स्वयंसेवक संघाच्या पब्लिसिटी विभागाचे सह संचालक नरेंद्र ठाकूर यांच्या हवाल्याने दिलेल्या वृत्तानुसार संघाच्या माध्यमातून देशभरामध्ये स्वातंत्र्य दिन साजरा केला जातोय. तसेच संस्थेच्या अधिकृत सोशल मीडिया अकाऊंट्सवरही संस्थेच्या झेंड्याऐवजी तिरंगा झेंड्याचा फोटो लावण्यात आला आहे, असंही ठाकूर म्हणाले.

“संघाने आधीच हर घर तिरंगा आणि आजादी का अमृत महोत्सव या कार्यक्रमांना पाठिंबा दर्शवला आहे. संघाने जुलै महिन्यामध्येच सरकार आणि खासगी संस्थांच्या माध्यमातून आणि संघाशी संबंधित संस्थांच्या माध्यमातून आयोजित केल्या जाणाऱ्या कार्यक्रमांसाठी स्वयंसेवकांच्या माध्यमातून मदत करण्यासाठी पाठिंबा दर्श्वला होता,” असं संघाचे प्रचार प्रमुख सुनिल अंबेकर यांनी म्हटलं आहे.