Platform safety in Japan video viral: दिल्लीतील इंद्रलोक मेट्रो स्थानकात रिना नावाच्या महिलेचा दुर्दैवी अपघाती मृत्यू झाल्याची घटना काही महिन्यांपूर्वी समोर आली होती. मेट्रोतून उतरताना तिच्या साडीचा पदर मेट्रोच्या दरवाजात अडकला आणि मेट्रो चालू लागली. काही कळण्याच्या आतच ती मेट्रोसह दूरपर्यंत फरफटत गेली. याच पार्श्वभूमीवर जपानमधला एक व्हिडीओ सध्या समोर आला आहे. यामध्ये मेट्रोच्या दारात होणारे अपघात टाळण्यासाठी जपानमध्ये कशी नवीन युक्ती आजमावली आहे, हे पाहायला मिळत आहे. व्हिडिओ पाहिल्यानंतर तुम्हीही म्हणाल की हे भारतातही व्हायला हवे. याचा व्हिडीओ सोशल मीडियावर तुफान व्हायरल होतो आहे.
सोशल मीडियावर व्हायरल होत असलेल्या व्हिडिओमध्ये असे दिसून येते की, जपानी मेट्रोमध्ये दरवाजे बंद करण्यापूर्वी मेट्रोच्या दारांना जाळीसारखी जाळी लावली जाते. जेणेकरुन कोणीही धावून मेट्रोमध्ये चढू शकणार नाही आणि अपघातांवर नियंत्रण ठेवता येईल. जाळी नसल्यामुळे दरवाजे बंद असतानाही प्रवासी जबरदस्तीने मेट्रोमध्ये घुसण्याचा प्रयत्न करतात, त्यामुळे बॅगा, साड्या आणि इतर अनेक वस्तू मेट्रोच्या दारात अडकण्याची भीती आहे. त्यामुळे अनेकवेळा मोठे अपघात घडतात तर कधी प्रवाशांना जीव गमवावा लागतो. अशा परिस्थितीत जपान मेट्रोने दरवाजे बंद करून त्यांना मेट्रोच्या जाळ्यांनी झाकून चांगले पाऊल उचलले आहे.
पाहा व्हिडीओ
हेही वाचा >> जेव्हा लेक पहिल्यांदा माहेरी येते; शेतकरी बापाचा ‘हा’ VIDEO पाहून तुमच्याही डोळ्यात येईल पाणी
हा व्हिडिओ फिगेन नावाच्या इंस्टाग्राम अकाऊंटवरून शेअर करण्यात आला आहे, ज्याला आतापर्यंत १६ लाखांहून अधिक वेळा पाहिले गेले आहे, तर सुमारे ८० हजार लोकांनी व्हिडिओला लाईक देखील केले आहे. यावर युजर्स कमेंट करताना दिसत आहेत. एका वापरकर्त्याने लिहिले…ही प्रणाली भारतातही असावी. दुसऱ्या यूजरने लिहिले… हे खूप चांगले पाऊल आहे, त्यामुळे अपघातांना आळा घालण्यास मदत होईल. तर दुसऱ्या वापरकर्त्याने लिहिले…जपानने जगाला अनेक प्रकारे मागे सोडले आहे.