सामोसा विक्रेत्याचा मुलगा EAMCET परीक्षेत टॉपर

परिस्थिती भलेही बिकट असो पण जर मेहतन करण्याची तयारी असेल तर यश तुमच्यापासून दूर नाही हेच मोहन अभ्यासने दाखवून दिले. त्याच्या घरची परिस्थिती हलाखीची पण गरिबीवर मात करत मोहनने JEE मध्ये संपूर्ण देशातून सहावा क्रमांक पटकावला. तर आंध्रच्या अभियांत्रिकी, कृषि आणि वैद्यकीय संयुक्त परीक्षेत त्याने अव्वल स्थान पटकावले. मोहनच्या घरची परिस्थिती तशी बिकटच. मोहनचे वडील सामोसे विकून आपलं घर चालवतात. रोज सकाळी सामोसे विकण्यासाठी मोहनचे बाबा घराबाहेर पडतात. सामोसे विकून दिवसाकाठी त्यांना जे पैसे मिळतात त्यावरच त्यांचं घर चालतं. मोहनदेखील अभ्यासातून वेळ काढून वडिलांना सामोसे तयार करण्यासाठी मदत करतो. अभ्यास आणि घरातली कामं दोन्ही सांभाळत त्याने हे यश मिळवलं आहे.