प्रत्येक पालक आपल्या मुलांवर जीवापाड प्रेम करतात, त्यांची काळजी घेतात, वेळेप्रसंगी ओरडतात, मारतात. पण त्यांचे प्रेम कधीच कमी होत नाही. मुलाची प्रत्येक इच्छा पूर्ण करण्यासाठी छोट्या- मोठ्या गोष्टींची काळजी घेतात. त्याला काही दुखले-घुपले तर आई घर डोक्यावर घेते, प्रत्येक आईची हीच सवय असते. यामुळे अनेकदा लहान मुलं खूप हट्टी होतात आणि ती पुढे आई- वडिलांचेही ऐकत नाहीत. अशावेळी आई मुलाला घाबरवण्याची एक सर्वात जुनी पद्धत वापरते जी कधीच अयशस्वी होत नाही. भारतात बहुतांश आईंनी मुलांना घाबरवण्यासाठी, दम देण्यासाठी ही पद्धत अनेकदा वापरली असेल, ती पद्धत म्हणते चप्पल. ज्याला पाहून प्रत्येक मूल मुकाट्याने आईच्या प्रत्येक गोष्टी ऐकते. सध्या सोशल मीडियावर चप्पल दाखवत मुलाला दम देणारी आई तुफान व्हायरल होत आहे.
ट्विटरवर @Figensport या अकाऊंटवर हा व्हिडीओ शेअर करण्यात आला आहे. या व्हिडीओमध्ये दिसतेय की, एक हट्टी मुलं लाकडी कपाटात जाणून लपलेले असते. यावेळी आईने अनेकदा सांगूनही तो बाहेर येत नाही. यानंतर आईने पायातून चप्पल काढून हातात धरली आणि बाहेर येण्यास सांगितले, यावेळी आईची चप्पल पाहून ते हट्टी मूल घाबरून बाहेर येत धूम ठोकून पळून गेले. या व्हिडिओला आत्तापर्यत १२ लाखांहून अधिक व्ह्यूज मिळाले आहेत.
आईच्या चप्पलला तोड नाही
हा व्हिडीओ सोशल मीडियावर चांगलाच व्हायरल होत आहे, ज्यामध्ये एक आई आणि मूल एका फर्निचरच्या दुकानात दिसत आहे. यादरम्यान मूल एका छोट्या लाकडी कपाटात लपते, ते पाहून आई वारंवार त्याला बाहेर येण्यास सांगते, मुलाला वारंवार सांगूनही ते बाहेर येण्यास नकार देते आणि कपाटात बसून आनंद घेत असतो. यावेळी मुलाचा हट्टीपणा खूप वाढला तेव्हा आईची सहनशीलताही संपते. यावेळी आईने पायातली चप्पल हातात धरली, चप्पल बघायचं ते बिचार मुलं कपाटातून बाहेर आले आणि पळून गेले.
कामाचा अर्थ मज्जा-मस्ती नाही, तुमची मैत्री ऑफिसबाहेर जपा! बॉसचे जबरदस्त फर्मान इंटरनेटवर Viral
आईच्या चप्पलची कमाल
आईच्या हातातून चप्पल निसटून जाताच मूल ज्याप्रकारे पळून जाते ते पाहून तुम्हाला हसू रोखणे कठीण होईल, अनेकांना हा व्हिडीओ पाहून त्यांचे जुने दिवस आठवले, जेव्हा त्यांची आई त्यांनी अशाचप्रकारे दम देत होती. अनेकांनी या व्हायरल व्हिडीओवर बालपणीचे आईच्या हातून मार खाल्लेले अनुभव शेअर केले आहे.
आपल्या देशात आईच्या अशा काही ‘शस्त्रांचा’ उल्लेख केला जातो, ज्यांचा वापर खास मुलांना धडा शिकवण्यासाठी केला जात होता. व्हिडिओचे कॅप्शनही मजेशीर आहे, ज्यामध्ये लिहिले आहे- शिस्तीसाठी आईची चप्पल ही सर्वात प्रभावी पद्धत आहे. आईच्या चप्पलचा मार आपण सर्वांनी अनुभवला आहे!. यावर एका यूजरने लिहिले की, याला शिस्त म्हणतात आणि आजकाल काही मुलांकडे पाहता, याची जास्त गरज आहे.
