Teacher Dance Video : शाळेचा विषय येताच लगेच बालपणीचे दिवस आठवतात. शाळेचा तो कडक इस्त्री केलेला गणवेश, आपली वर्गखोली, बेंच, फळा, अभ्यास, मित्रांसोबतची ती धमाल आणि शिक्षकांचा कडकपणा. ९० च्या दशकातील मुलांसाठी तरी शाळा म्हणजे हेच होते. मात्र, सध्याची गोष्ट थोडी वेगळी आहे. आता अभ्यासाबरोबरच खेळ, योगासने व नृत्य-संगीत या गोष्टींनाही शाळेत महत्त्व दिले जाते. आधुनिक शाळेतील असाच एक व्हिडीओ सध्या सोशल मीडियावर मोठ्या प्रमाणात व्हायरल होत आहे; ज्यामध्ये एक मास्तर ढोलकीच्या तालावर चक्क विद्यार्थ्यांसमोर बिनधास्तपणे नाचताना दिसत आहेत. हा व्हिडीओ सध्या सोशल मीडियावर तुफान व्हायरल होत आहे. जो पाहिल्यानंतर लोक म्हणतायत की, असे शिक्षक आमच्या काळात असते, तर फार मजा आली असती.
मास्तर जोमात, विद्यार्थी कोमात (Teacher Dance In Classroom)
व्हायरल झालेल्या व्हिडीओमध्ये तुम्ही पाहू शकता की, एक वर्गात काही मुलं जमिनीवर बसून ढोलकी वाजविताना दिसत आहेत; तर काही मुलं जवळच उभी आहेत आणि एकत्र पहाडी गाणं गात आहेत. यावेळी विद्यार्थ्यांचं गाणं आणि ढोलकीच्या तालावर भरवर्गात एक मास्तर विद्यार्थ्यांसमोर नाचताना दिसत आहेत. पहाडी गाण्यावर हे मास्तर असा काय ठेका धरतात ही पाहून विद्यार्थीदेखील त्यांना चिअर करतात.
भरवर्गात मास्तरांचा भन्नाट डान्स (teacher dance on pahadi song)
More Trending News : जनावरांवर लेकरांसारखा जीव! पावसात शेळ्यांसाठी मावशीने शिवले रेनकोट्स; पाहा गावाकडील सुंदर Video
हा व्हिडीओ पाहिल्यानंतर अनेक इन्स्टाग्राम युजर्सना त्यांचे शाळेचे दिवस आठवत आहेत; तर अनेक जण त्यांच्या काळात असे शिक्षक अजिबात नव्हते, असे म्हणत आहेत. कारण- पूर्वी शाळांमध्ये नाच-गाणे हे केवळ शाळेच्या गॅदरिंगपुरते मर्यादित होते. त्यामुळे असे शिक्षण आणि अशी मज्जा त्या काळी करता यायची नाही. त्यामुळे युजर्स या व्हिडीओवर वेगवेगळ्या प्रकारच्या मजेशीर कमेंट्स करीत आहेत. ( Teacher Dance In Classroom)
“आमच्या काळात असे शिक्षक असते तर?” युजर्सना आठवले शाळेचे दिवस (Teacher Dance To Pahadi Song Goes Viral)
@zindagi.gulzar नावाच्या अकाउंटवरून हा व्हिडीओ इन्स्टावर शेअर करण्यात आला आहे. व्हिडीओवर कमेंट करताना एका युजरने लिहिले, “आमच्या शालेय जीवनात असे शिक्षक का नव्हते?” दुसऱ्या युजरने लिहिले, “घरी आई मला मारायची आणि शाळेत शिक्षक मला मारायचे.” तिसऱ्या एका युजरने लिहिले, “आमच्या काळात संगीत व नृत्यासाठी कोणताही तास नव्हता आणि आता संगीत व नृत्यासाठीही वेगळे तास आहेत.” यावर बहुतेकांनी कमेंट केली आहे की, आमच्या काळात असे शिक्षक असते तर? आम्हीही शाळेचा एक वेगळा आनंद लुटला असता.
© IE Online Media Services (P) Ltd
