Viral Video: आपल्यातील अनेक जण पाळीव प्राण्यांवर जीव ओवाळून टाकतात. काही जण तर त्यांना मार्केटमध्ये मिळणारे त्यांचे जेवण, खाद्यपदार्थ खाऊ घालतात. त्यांना सकाळी फिरायला, तसेच प्रवासातही सोबत घेऊन जातात. पण, काही जण याउलट असतात. पाळीव असो किंवा भटके प्राणी, त्यांना बघता क्षणी हडतुड करतात, त्यांना मारतात किंवा त्यांच्यावर दगडफेक करून उगीच त्यांना त्रास देताना दिसतात. आज असाच एक व्हिडीओ व्हायरल होत आहे. त्यामध्ये एक महिला श्वानाच्या पिल्लाला कचराकुंडीत फेकताना दिसत आहे.
हा व्हायरल व्हिडीओ परदेशातील आहे. महिलेच्या हातात एक श्वानाचे पिल्लू असते; तर दुसरे पिल्लू तिच्या मागून चालत येत असते. पुढे या व्हिडीओत ती महिला हातातल्या श्वानाच्या पिल्लाला कचराकुंडीत फेकताना दिसते. त्यानंतर तिच्यामागून चालत येणाऱ्या कुत्र्याच्या पिल्लालासुद्धा ती उचलून कचराकुंडीत फेकते आणि व्हिडीओचा तिथेच शेवट होतो. नक्की काय घडले ते एकदा व्हायरल व्हिडीओतून तुम्हीसुद्धा पाहा.
व्हिडीओ पाहण्यासाठी लिंकवर क्लिक करा…
https://fb.watch/svKLJSbyNP/
व्हायरल व्हिडीओत तुम्ही पाहू शकता की, हा सर्व प्रकार सीसीटीव्हीमध्ये कैद झाला आहे. हा सर्व प्रकार घडताना एक अज्ञात पुरुष तिथे उभा असतो. पण, तो या घटनेकडून बघूनसुद्धा दुर्लक्ष करतो आणि स्वतःचे काम करण्यात मग्न आहे, असे दाखवतो. त्या महिलेच्या चेहऱ्यावरसुद्धा काही चुकीचे केले असण्याचे भाव दिसण्याऐवजी ती खूप बिनधास्त दिसत आहे. तसेच श्वानाच्या पिल्लांना कचराकुंडीत फेकून देण्याची योजना तिने आधीपासूनच आखली होती, असे तिच्या कृत्यातून स्पष्ट होत आहे.
सोशल मीडियावर हा व्हिडीओ फेसबुकच्या @St Landry Crime Stoppers या अकाउंटवरून ३ जूनरोजी शेअर करण्यात आला आहे. हा व्हिडीओ व्हायरल झाल्यानंर स्थानिक पोलिसांनी त्या महिलेला अटक केली आहे आणि घटनास्थळी उपस्थित असलेल्या व्यक्तीलाही संबंधित घटनेची अधिक माहिती जाणून घेण्यासाठी पोलीस ठाण्यामध्ये बोलावून घेतले, असे सांगण्यात येत आहे. नेटकरी हा व्हिडीओ पाहून संताप व्यक्त करताना दिसून आले आहेत.
© IE Online Media Services (P) Ltd
