फॅन असावा तर असा! व्हेंटिलेटरवर असतानाही शाहरुख खानचा ‘जवान’ चित्रपट पाहिला, Video झाला व्हायरल

ट्वीटरवर व्हायरल झालेल्या या व्हिडीओत तुम्ही पाहू शकता की, शाहरुख खानच्या एका चाहत्याने व्हेंटिलेटरच्या मशिनवर बसून चित्रपटगृहात जवान फिल्म पाहिली. अनीस फारुखी असं शाहरुखच्या चाहत्याचं नाव असून तो दिव्यांग आहे. गेल्या काही दिवसांपासून तो व्हेंटिलेटरवरच आहे. पण जवान चित्रपट प्रदर्शित झाल्यानंतर चित्रपटगृहात जाऊन तो पाहण्याची अनीसची उत्सुकताही शिगेला पोहोचली आहे. व्हेंटिलेटरवर असतानाही अनीस चित्रपटगृहात पोहोचला आणि शाहरुखचा हा सिनेमा पाहिला. अनीसने त्याच्या कुटुंबियांसाठी स्पेशल स्क्रीनिंग करून त्यांना चित्रपट दाखवला. याचदरम्यान संपूर्ण चित्रपटगृह रिकामा होता. त्यामुळे अनीसला शाहरुखचा हा चित्रपट आरामात पाहता आला.

इथे पाहा व्हिडीओ

पठाणनंतर जवान यशाच्या शिखरावर

गतवर्षी शाहरुख खानचा पठाण चित्रपट प्रदर्शित झाला होता. या चित्रपटानेही बॉक्स ऑफिसवर धुमाकूळ घातला होता. या चित्रपटाच्या माध्यमातून शाहरुखने कमबॅक केलं होतं. यानंतर जवान चित्रपटाकडे कोट्यावधी लोकांचं लक्ष लागून राहिलं होतं. एटली कुमार दिग्दर्शित या चित्रपटात शाहरुख खानचा बोल्ड अंदाजही दाखवण्यात आला आहे. चित्रपटाने ६०० कोटींहून अधिक रुपयांचा गल्ला जमवला आहे. यानंतर आता शाहरुखच्या डंकी चित्रपटाची प्रेक्षकांना उत्सुकता लागली आहे.